ကြိုးစားရှာဖွေပြီးဝယ်ထားတဲ့ခြံကြီးထဲမှာ မိသားစုညစာစားပွဲလေးလုပ်ကာပျော်ရွှင်နေကြတဲ့ ဆုပန်ထွာတို့မိသားစု

ပရိသတ်ကြီးရေ အဆိုတော်သရုပ်ဆောင်တစ်ယောက်ဖြစ်တဲ့ ဆုပန်ထွာကတော့ အနုပညာအလုပ်တွေကို ဖြည်းဖြည်းမှန်မှန်လုပ်ကိုင်နေဆဲဖြစ်ပါတယ်။လုံခြုံမှုအပြည့်ပေးပြီးအရမ်းကြင်နာတတ်တဲ့ခင်ပွန်းကောင်းတစ်ယောက်ကိုလည်းပိုင်ဆိုင်ထားသလို စကားလေးတွေတီတီတာတာပြောတတ်တဲ့ ချစ်စရာသားသားလေးကိုလည်း မွေးဖွားထားတာကြောင့် ပျော်ရွှင်ချမ်းမြေ့စရာမိသားစုလေးပါပဲနော်။

ဆုပန်ထွာကလည်း အိမ်ရှင်မကောင်းတစ်ယောက်ပီသစွာနဲ့ ချစ်ခင်ပွန်းနဲ့သားလေးကို လိုလေသေးမရှိအောင်ဂရုစိုက်ပေးတာဖြစ်ပါတယ်။Roar Roar လေးကတော့ ကျောင်းတက်နေတဲ့အရွယ်ရောက်ပြီး မိဘအပေါ်မှာလည်း သိတတ်ကာ လိမ္မာရေးခြားလည်းရှိပါတယ်နော်။အခုဆိုရင်တော့ ဆုပန်ထွာတို့မိသားစုသုံးယောက်က ခြံထဲဆင်းပြီး မိသားစုပါတီသေးသေးလေးလုပ်နေကြတဲ့အကြောင်းလေးကို မျှဝေလာတာပါ။

"ဆောင်းတွင်းခြံထဲမှာအေးစိမ့်နေတာပဲ။စိတ်ချမ်းသာလိုက်တာရင်ထဲထိရှင်းပြီးအေးနေတာခံစားမိပါရဲ့။ဒီခြံကြီးဝယ်နိုင်ဖို့ လင်မယားနှစ်ယောက် သူလည်းအလုပ်‌ တွေတအားကြိုးစား၊ ကိုယ်လည်းအလုပ်မှန်သမျှမနားမနေကြိုးစားလုပ်ရင်း ပိုက်ဆံတွေကုတ်ကပ်ဆု၊ ကြိုးစားဝယ်ခဲ့ရတာလေး သတိရတယ်။ ဘဝဆိုတာလွယ်လွယ်ကျော်ဖြတ်ခွင့်ရတာမှ မဟုတ်ပဲ။ နှစ်ယောက်သားကိုယ့်ခြေထောက်ပေါ်ကိုယ်ကြိုးစားရပ်တည်ကြရင်း၊ရင်ဆိုင်ခဲ့ကြရတာမို့ ....ဘဝမှာနေထိုင်ခွင့်ကျတော့ကိုယ့်စိတ်ထဲ ပိုအရသာရှိလှပါတယ်။"ဆိုပြီး မိသားစုပုံရိပ်လေးတွေကို မျှဝေလာတာဖြစ်ပါတယ်။

Photo Credit:Supan Htwar's Facebook