ခြေစမ်းပွဲစဉ်တွင် MFF (U-19) အသင်းကို (၁ - ဝ) အနိုင်ရရှိခဲ့တဲ့ရန်ကုန်ယူနိုက်တက် (ယူ-၂၁) အသင်း

ရန်ကုန်ယူနိုက်တက် (ယူ-၂၁) အသင်းနှင့် MFF (U-19) အသင်းတို့ ဒီဇင်ဘာလ (၇ ) ရက်နေ့မနက်ပိုင်းက ခြေစမ်းပွဲစဉ်ကို သုဝဏ္ဏ လေ့ကျင့်ရေးကွင်း (၁) တွင် ယှဉ်ပြိုင်ကစားခဲ့ပါတယ်။ ရန်ကုန်လူငယ်အသင်းကတော့ MFF (U-19) အသင်းကို သိန်းဇော်ဦး၏ တစ်လုံးတည်းသောသွင်းဂိုးဖြင့် အနိုင်ရရှိခဲ့ပါတယ်။အသင်း နှစ်သင်းလုံးကတော့ ပွဲချိန်အတွင်းမှာ အပြန်အလှန်တိုက်စစ်ဆင်ယှဉ်ပြိုင်ကစားပြီး ပရိသတ်တွေအတွက် ပွဲကောင်းတစ်ပွဲဖြစ်ခဲ့ပါတယ်။

ရန်ကုန်ယူနိုက်တက်အသင်းကတော့ လာမဲ့ရာသီ ၂၀၂၀ ဘောလုံးပွဲစဉ်တွေမှာလည်း အကောင်းဆုံးရလဒ်ကောင်းတွေရရှိနိုင်အောင်လေ့ကျင့်ပြင်ဆင်သွားမှာလည်းဖြစ်ပါတယ်။ရန်ကုန်ယူနိုက်တက်ယူ -၂၁ အသင်းကတော့ ခြေစမ်းပွဲတွေကိုကစားသွားမှာလည်းဖြစ်ပါတယ်။ အသင်းရဲ့ရလဒ်ကောင်းတွေကတော့ ယခုရာသီမှာ အကောင်းဆုံးခြေစွမ်းတွေရရှိထားနေပြီး လာမဲ့ရာသီပွဲစဉ်တွေမှာ ပရိသတ်တွေအကြိုက်တွေ့စေမဲ့ အောင်မြင်မှုတွေကိုစွမ်းဆောင်ပေးနိုင်မှာလည်းဖြစ်ပါတယ်။ 

ဒီပွဲစဉ်ကတော့ လာမည့် ၂၀၂၀ ဘောလုံးရာသီအတွက် ပြင်ဆင်နေတဲ့ ရန်ကုန်လူငယ်အသင်း၏ ပထမဦးဆုံးခြေစမ်းပွဲစဉ်ဖြစ်ပြီး ဒုတိယပိုင်းတွင် သိန်းဇော်ဦး၏ ပြစ်ဒဏ်ဘောကန်တင်ရာမှ ဂိုးရရှိခဲ့ခြင်းဖြစ်ပါတယ်။ ရန်ကုန်ယူနိုက်တက် ယူ -၂၁ အသင်းရဲ့ ရလဒ်ကောင်းတွေနဲ့အတူ အောင်မြင်မှုတွေကိုရရှိနိုင်အောင် ပရိသတ်တွေက ဆုမွန်ကောင်းတောင်းပေးရင်းတင်ဆက်လိုက်ပါတယ်...။ 

Source - Yangon United Football Club