ဝေဖန်မယ့်သူတွေကို ပညာသားပါပါကြိုကာလိုက်တဲ့ စိုင်းစိုင်း

ပျိုတိုင်းကြိုက်တဲ့နှင်းဆီခိုင်အဖြစ် ပရိသတ်ချစ်ခင်အားပေးမှုရရှိထားတဲ့ အဆိုတော် သရုပ်ဆောင် စိုင်းစိုင်းခမ်းလှိုင်ဟာ အနုပညာအသိုင်းဝိုင်းမှာသာမက လူမှုဆက်ဆံရေးနယ်ပယ်မှာလည်း တော်တဲ့သူဖြစ်ပါတယ်။

ကွီးစိုင်းဟာ သူ့ကို ပုဂ္ဂိုလ်ရေးအရ မနာလိုတဲ့သူတွေရှိပေမယ့်လည်း စိတ်လိုက်မာန်ပါ တုန့်ပြန်ခြင်းမရှိခဲ့သလို သွယ်ဝိုက်တဲ့နည်းနဲ့ပဲ ပညာသားပါပါ ပြောဆိုချေပတတ်တာပါ။ ဒါ့ကြောင့်လည်း နှုတ်ခမ်းနီမလေးတွေအသဲစွဲဖြစ်နေရတာပေါ့ ။

ဒီနေ့မေလ(၁၆)ရက်မှာတော့ ကွီးစိုင်းတစ်ယောက် အနုပညာရှင်တိုင်းပါဝင်လှုံ့ဆော်ကြတဲ့ ယာဉ်အန္တာရာယ်ကာကွယ်ဖို့ထိုင်ခုံခါးပါတ်ပတ်ဖို့ကမ်ပိန်းမှာ သူကိုယ်တိုင်လည်း အခုလို ပါဝင်တိုက်တွန်းထားပါတယ်။

“တန်ဘိုးရှိတဲ့အသက်တွေမဆုံးရှုံးဖို့ထိုင်ခုံခါးပါတ်ပါတ်ကြစို့

With Big Love

စိုုင်းစိုင်း

*Campaign အတွက် ကားရပ်ပြီး ဓာတ်ပုံရိုက်တာပါ

အမှန်က ကားမောင်းရင်း ဖုန်းလည်းမသုံးရပါ း)

#DriveSafelyUseSeatBeltCampaign””

ကွီးစိုင်းဟာ သူကိုယ်တိုင်ကားကိုမောင်းနေရင်းအခုလို ခါးပတ်ပတ်ကြဖို့ ဓာတ်ပုံရိုက်ကာ ကြော်ငြာဝင်လိုက်တဲ့သဘောပါ။ ဒါပေမယ့် ကားမောင်းရင်း ဓာတ်ပုံရိုက်တယ်ဆိုပြီး သူ့ကို စောဒကတက် ဝေဖန်မယ့်သူတွေရှိနိုင်တာကို ကြိုသိနေပုံပါပဲ။

ဒါ့တွေကြိုမြင်နေတဲ့ ကွီးစိုင်းတစ်ယောက် “*Campaign အတွက် ကားရပ်ပြီး ဓာတ်ပုံရိုက်တာပါ အမှန်က ကားမောင်းရင်း ဖုန်းလည်းမသုံးရပါ း)”” လို့ တခါတည်းရေးလိုက်တယ်လို့ ထင်ပါတယ်။

အနုပညာလောကမှာ ကိုယ့်ကိုလိုလားတဲ့သူတွေရှိသလို ဝေဖန်တိုက်ခိုက်သူတွေရှိလို့ ကွီးစိုင်းကတော့ ဒီလိုဝေဖန်ခံရတဲ့ဒဏ်တွေကို ရိုးနေလောက်ပါပြီ။

သွယ်ဝိုက်တဲ့နည်းနဲ့ပဲ ပညာသားပါပါ တုန့်ပြန်တတ်တာကတော့ သူ့ရဲ့ ပါးနပ်မှုလို့ချီးကျုးရမှာပဲ။ 

သတင်းအရင်းမြစ် sai sai fb