ဝတ်မှုန်ရဲ့ပရိသတ်ဆိုရင်တော့ ဒါကိုဖတ်ဖြစ်အောင်ဖတ်ပါ

ကစ်ကိုချစ်တဲ့ပရိသတ်တွေ သိကိုသိထားသင့်တဲ့ ကစ်အကြောင်း။ သူ့ကိုယ်သူ ကစ်ကစ်ရယ်လို့ နာမ်စားသုံးပြီး ကိုက်ဆွဲချင်စရာကောင်းလောက်အောင် ချစ်ဖို့ကောင်းတဲ့ ဝတ်မှုန်ရွှေရည်ရဲ့ Biography အကြောင်းပဲဖြစ်ပါတယ်။

ဝတ်မှုန်ရွှေရည်ကို 10.8.1988 မှာ မွေးဖွားခဲ့ပြီး လက်ရှိမှာတော့ အသက်၂၉နှစ်အရွယ်ရှိပြီဖြစ်ပါတယ်။ သူမဟာ ဗုဒ္ဓဟူးနေ့ဖွားမင်းသမီးတစ်လက်ဖြစ်ပြီး သွေးအမျိုးအစားကတော့ A ဖြစ်ပါတယ်။ မိဘနှစ်ပါးနာမည်ကတော့ ဦးဝင်းသိန်းနိုင်နဲ့ ဒေါ်မီမီလွင်ဖြစ်ပြီး သူမရဲ့ချစ်စနိုးအမည်ကတော့ ကစ်ကစ် ဒါမှမဟုတ် မှုန်မှုန်ပါတဲ့။ 

ကစ်ကစ်ဟာ မိုးကုတ်ဇာတိဖြစ်ပြီး ညီမလေးတစ်ယောက်ရှိပြီး ညီမလေးရဲ့နာမည်ကတော့ နဒီရွှေရည်လို့ခေါ်ပါတယ်။ ကစ်ဟာ သူငယ်တန်းကနေ နှစ်တန်းအထိ မိုးကုတ်မှာပညာသင်ယူခဲ့ပြီး သုံးတန်းကနေ ဆယ်တန်းအထိကိုတော့ အထက(၂)ကမာရွတ်မှာသင်ကြားခဲ့ပြီး အဝေးသင်အင်္ဂလိပ်စာနဲ့ ဘွဲ့ရထားသူဖြစ်ပါတယ်။

ဝတ်မှုန် အနုပညာလောကထဲဝင်လာတဲ့အချိန်ကတော့ ၂၀၀၅ခုနှစ်မှာ Fresh White C cosmetic နဲ့ နေတိုးနဲ့အတူရိုက်ကူးခဲ့တဲ့ DG Shampoo ကြော်ငြာတွေကနေ စတင်ခဲ့တာဖြစ်ပါတယ်။ ပထမဆုံးရုပ်ရှင်ဇာတ်ကားကတော့ စိုင်းစိုင်းခမ်းလှိုင်နဲ့ ရိုက်ကူးထားတဲ့ ဝတ်မှုံမျှော်တဲ့လိပ်ပြာ ဇာတ်ကားပဲဖြစ်ပါတယ်။

ဝတ်မှုန်ဟာ စာဖတ်တာ ၊သီချင်းနားထောင်၊သီချင်​းဆိုတာ နှစ်သက်သူတစ်ဦးဖြစ်ပြီး ၂၀၁၃ခုနှစ်မှာ နင်စေရင်ဇာတ်ကားနဲ့အကောင်းဆုံးအမျိုးသမီးဇာတ်ဆောင်ဆု၊ ၂၀၁၄မှာ နှလုံးသားဖြင့်ပြုလုပ်သည်ဇာတ်ကားနဲ့အကောင်းဆုံးအမျိုးသမီးဇာတ်ပို့ဆု စတဲ့ အကယ်ဒမီထူးချွန်ဆုနှစ်ဆု ဆက်တိုက်ရရှိခဲ့ပြီး အကယ်ဒမီပေးပွဲတိုင်းမှာ တစ်ကြိုပေးခံရတဲ့ မင်းသမီးတစ်လက်ပဲဖြစ်ပါတယ်။

Source : Forever Kit's Fan