ကဲ ပရိသတ်ကြီးရေ ဒီတစ်ခါမှာတော့ ၃ (က) ဆိုတဲ့ရုပ်ရှင်ဇာတ်ကားအကြောင်းနဲ့ ပတ်သက်ပြီး အားလုံးကိုမိတ်ဆက်ပေးချင်ပါတယ်။ ချမ်းမင်းရဲထွဋ်၊ ထူးခြား၊ စိုးမြတ်သူဇာနဲ့ နန်းဆုဦးတို့နဲ့ အဓိကပါဝင်သရုပ်ဆောင်ထားတဲ့ ဒီဇာတ်ကားလေးကိုတော့ ထူးခြားတဲ့ဇာတ်လမ်းဇာတ်အိမ်နဲ့ ဖန်တီးပုံဖော်ထားတာ ဖြစ်ပါတယ်။ ဖြစ်ရပ်မှန်အဖြစ်အပျက်တွေကို အခြေခံရိုက်ကူးထားတဲ့ ဒီဇာတ်ကားလေးက ကြည့်ရှုသူပရိသတ်တွေကို စိတ်မပျက်စေဘဲ ကြည့်ရတာတန်စေမယ့် ဇာတ်ကားကောင်းတစ်ကားဖြစ်ပါတယ်။
ဇာတ်လမ်းအကျဉ်းလေးကတော့ လောကဓံရဲ့ ခက်ခဲကြမ်းတမ်းမှုတွေ ၊ ဘဝရဲ့ ဒုက္ခလှိုင်းလုံးတွေကိုကြုံတွေ့ရတိုင်း အရှုံးမပေးခဲ့တဲ့ အမျိုးသမီးငယ်လေး '' ခေါင်ဆိုင်''နဲ့အတူ ဇာတ်အိမ်ကို တည်ထားတာ ဖြစ်ပါတယ်။ သူမကတော့ လူသားတစ်ဦးဖြစ်ပေမယ့် တူညီတဲ့လူ့အခွင့်အရေးတွေကို ပိုင်ဆိုင်ခွင့်မရှိတဲ့ လူသားတစ်ဦးပဲ ဖြစ်ပါတယ်။ လူတိုင်းက နှာခေါင်းရှုံ့တဲ့ အလုပ် ကိုယ်တိုင်လည်း မနှစ်မျို့တဲ့အလုပ်ကိုသမုဒ္ဒရာ ဝမ်းတစ်ထွာအတွက်လုပ်နေခဲ့ရပြီး ဘဝကိုဖြတ်သန်းနေတဲ့ သူမရဲ့ဘဝဇာတ်ကြောင်းက တကယ့်ကိုစိတ်ဝင်စားစရာကောင်းလှပါတယ်။
ထိုအမျိုးသမီးငယ်လေး ''ခေါင်ဆိုင်'' နေရာမှာတော့ မင်းသမီးနန်းဆုဦးက အကောင်းဆုံးသရုပ်ဆောင်ပြထားတာ ဖြစ်ပါတယ်။ ဒီဇာတ်ကားလေးက အမျိုးသမီးလေးတွေရဲ့အကြောင်းကို အဓိကတင်ဆက်ထားပြီး ပရိသတ်တွေအတွက် ရသမျိုးစုံခံစားရမှာဖြစ်တာကြောင့် လက်မလွှတ်တမ်း ကြည့်ရှုသင့်တဲ့ဇာတ်ကားတစ်ကားဖြစ်ပါတယ်။ အခုဆိုရင် ပရိသတ်တွေကလည်း ဇာတ်လမ်းအကျဉ်းကိုသိပြီးပြီဆိုတော့ ရုံတင်ပြသနေပြီဖြစ်တဲ့ ''၃ (က) '' ဇာတ်ကားရဲ့ Official Trailer ဗီဒီယိုလေးကို အောက်မှာပြန်လည်မျှဝေပေးလိုက်ပါတယ်နော်။
Photo Credit- ၃ (က) ရုပ်ရှင်ဇာတ်ကားကြီး
(Commercial Article)
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။