ပရိသတ်အချစ်တော် မင်းသားတစ်ဦးဖြစ်တဲ့ ပြေတီဦးကတော့ အနုပညာလောကမှာ ထွန်းလင်းတောက်ပနေတဲ့ ငွေကြယ်ပွင့်တစ်ပွင့်ပဲ ဖြစ်ပါတယ်။ သရုပ်ဆောင်ပိုင်းမှာ အင်မတန်ထူးချွန်တဲ့ ပြေတီဦးက အကယ်ဒမီသုံးဆုတိတိ ဆွတ်ခူးရရှိထားတဲ့ ထိပ်တန်းသရုပ်ဆောင်တစ်ယောက်ပါ။ ပြေတီဦးရဲ့ ထိမိပြောင်မြောက်လွန်းတဲ့ သရုပ်ဆောင်ချက်တွေကြောင့် ပရိသတ်တွေက သည်းသည်းလှုပ် အားပေးနေကြတာဖြစ်ပါတယ်။
ပြေတီဦးက အခုချိန်အထိ ဇာတ်ကားတွေရိုက်ကူးရင်း အနုပညာအလုပ်တွေကို တစိုက်မတ်မတ် လုပ်ကိုင်နေဆဲ ဖြစ်ပါတယ်။ လက်ရှိမှာလည်း ပြေတီဦးသရုပ်ဆောင်ထားတဲ့ ''ကမ္မဖလ'' ရုပ်ရှင်ဇာတ်ကားကြီးက ရုံတင်ပြသနေတာ ဖြစ်ပါတယ်။ ဒီနေ့မှာတော့ ပြေတီဦးက ''ကမ္မဖလ'' ရုပ်ရှင်ဇာတ်ကားကြီးရဲ့လက်မှတ်ရေးထိုးပွဲကို တက်ရောက်ခဲ့ပြီး ပရိသတ်တွေနဲ့ ရင်းရင်းနှီးနှီးတွေ့ဆုံခဲ့ပါတယ်။
လူငယ်လေးတစ်ယောက်လို ချောမောနုပျိုနေတဲ့ ပြေတီဦးက မျက်မှန်တစ်လက်နဲ့ အထာကျနေတာလည်း ဖြစ်ပါတယ်။ အခုလည်း ပြေတီဦးက '' ဒီနေ့ ကမ္မဖလ ရုပ်ရှင်ဇာတ်ကားကြီး အတွက် ပရိသတ်နဲ့တွေ့ဆုံပြီး လက်မှတ်ထိုးပွဲလေးတေလုပ်ဖြစ်ခဲ့ပါတယ်..ပရိသတ်တေ အများကြီးလာရောက်ကြည့်ရှုအားပေးကြလို့ ကျေးဇူးတေအများကြီးတင်ရင်း ရင်ထဲမှာတော့ နှလုံးပီတိ ဂွမ်းဆီထိပါပဲ''ဆိုပြီး ပုံလေးတွေမျှဝေပေးထားပါတယ်။ ကဲ ချစ်ပရိသတ်တွေအတွက် ပြေတီဦးရဲ့ပွဲတက်ပုံရိပ်လေးတွေကို ပြန်လည်မျှဝေပေးလိုက်ပါတယ်နော်။
Source: Pyay Ti Oo's Facebook
Photo Credit- Amazing Grcae
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။