ကျော်ထက်အောင်ကိုချာတိတ်လို့ခေါ်ပြီး ပရိသတ်တွေအသည်းတယားယားဖြစ်သွားအောင်ကျီစယ်လိုက်တဲ့မယ်လိုဒီ

မင်းသမီးချောလေး မယ်လိုဒီကတော့ ချစ်စရာကောင်းတဲ့သားလေးတစ်ယောက်နဲ့ ပျော်ရွှင်စရာမိသားစုဘဝလေးကို တည်ဆောက်ထားတာ ဖြစ်ပါတယ်။ တစ်ချိန်က မိန်းကလေးချင်းတောင်ငေးကြည့်ရလောက်တဲ့ အလှတရားတွေကိုပိုင်ဆိုင်ခဲ့တဲ့ မယ်လိုဒီက အိမ်ထောင်ကျပြီးတဲ့နောက်ပိုင်းမှာတော့ အရင်ကထက်ပိုလှလို့လာတာ ဖြစ်ပါတယ်။ အရွယ်တင်နုပျိုလွန်းတဲ့ မယ်လိုဒီက တစ်သားမွေးတစ်သွေးလှဆိုတဲ့စကားအတိုင်း ကိုက်ညီနေတာပဲဖြစ်ပါတယ်။

မယ်လိုဒီက သားလေးကိုပြုစုစောင့်ရှောက်ရင်း သူမချစ်တဲ့အနုပညာအလုပ်တွေကိုလည်း ပုံမှန်လုပ်ကိုင်နေတာ ဖြစ်ပါတယ်။ လက်ရှိမှာလည်း မယ်လိုဒီက "အဆိပ် Venom " ဆိုတဲ့ ရုပ်ရှင်ဇာတ်ကားကြီးမှာ မင်းဦး၊ ကျော်ထက်အောင်၊ မအေးသောင်း၊ နန်းဆုဦးတို့နဲ့အတူ ပါဝင်ရိုက်ကူးနေတာ ဖြစ်ပါတယ်။ အခုဆိုရင်တော့ မယ်လိုဒီနဲ့ ကျော်ထက်အောင်တို့က အသည်းယားစရာကောင်းတဲ့ Caption လေးတွေနဲ့အတူ နှစ်ယောက်ပုံလေးတွေကို တင်ထားကြပါတယ်။

ကျော်ထက်အောင်က " “မ” တစ်ချက်လေးစောင်းငဲ့ကြည့်အုံး “မောင်” " ဆိုပြီး ပုံလေးကိုတင်ထားသလို မယ်လိုဒီကလည်း " ယူတို့ရဲ့အစ်ကိုအောင်ကို တို့ရဲ့ချာတိတ်လို့ထင်နေတာလား ကြည့်နေတယ်နော် မီးမပိတ်သေးဘူး " ဆိုတဲ့စာသားလေးနဲ့အတူ ပုံတင်ထားတာ ဖြစ်ပါတယ်။ မယ်လိုဒီတို့နှစ်ယောက်ကတော့ ပရိသတ်တွေကိုရင်ခုန်အောင် စနောက်ကျီစယ်လိုက်ကြတာပဲ ဖြစ်ပါတယ်။ ကဲ ချစ်ပရိသတ်တွေအတွက် ကျော်ထက်အောင်နဲ့ မယ်လိုဒီတို့နှစ်ယောက်ရဲ့ပုံရိပ်လေးတွေကို ပြန်လည်မျှဝေပေးလိုက်ပါတယ်နော်။

Source & Photo Credit-Kyaw Htet Aung's FB & Melody Myo's FB