ပရိသတ်အချစ်တော် လွှမ်းပိုင်ကတော့ အဆိုတော်အဖြစ်ရော သရုပ်ဆောင်အဖြစ်ပါ အနုပညာအလုပ်တွေကို လုပ်ကိုင်နေသူဖြစ်ပါတယ်။ Hip Hop နဲ့ R & B ဂီတအမျိုးအစားတွေကို ကျွမ်းကျင်ပိုင်နိုင်စွာ သီဆိုတတ်တဲ့ လွှမ်းပိုင်က ကိုယ်တိုင်လည်း သီချင်းတွေရေးစပ်သီဆိုလေ့ရှိတာ ဖြစ်ပါတယ်။ သီချင်းတွေမြောက်များစွာ ထွက်ရှိအောင်မြင်ထားတဲ့ လွှမ်းပိုင်က လူငယ်ပရိသတ်တွေရဲ့ အားပေးမှုကိုအပြည့်အဝရရှိထားတာ ဖြစ်ပါတယ်။
လွှမ်းပိုင်အနေနဲ့ အဆိုတော်မလေး Bobby Soxer နဲ့အတူ လက်တွဲလာခဲ့တာကလည်း ချစ်သူသက်တမ်း (၁၀)နှစ်ကျော်တောင် ရှိနေပြီဖြစ်ပါတယ်။ သွားအတူ လာအတူနဲ့ အမြဲတမ်းတွဲတွေ့ရတတ်တဲ့ လွှမ်းပိုင်တို့စုံတွဲလေးကို ပရိသတ်တွေကပါ အရမ်းအားကျနေရတာ ဖြစ်ပါတယ်။ အခုလည်း လွှမ်းပိုင်တို့စုံတွဲလေးက ပွဲအခမ်းအနားတစ်ခုကို အတူတွဲပြီး တက်ရောက်ခဲ့ကြပါတယ်။
လွှမ်းပိုင်နဲ့ B Sox တို့နှစ်ယောက်က "Food Panda'' ဆိုတဲ့ပွဲလေးကို ဆင်တူဖက်ရှင်လေးနဲ့ တက်ရောက်ခဲ့ကြတာပဲ ဖြစ်ပါတယ်။ ချစ်ချစ်ခင်ခင်နဲ့ ပွဲတက်လာကြတဲ့ လွှမ်းပိုင်တို့စုံတွဲလေးကတော့ ပန်းရောင်ဖက်ရှင်လေးတွေနဲ့ အရမ်းချစ်ဖို့ကောင်းနေကြတာ ဖြစ်ပါတယ်။ ကဲ ချစ်ပရိသတ်တွေအတွက် ပျော်ရွှင်ကြည်နူးစရာကောင်းတဲ့ လွှမ်းပိုင်နဲ့ B Sox တို့ချစ်သူနှစ်ဦးရဲ့ ပုံလေးတွေကို ပြန်လည်မျှဝေပေးလိုက်ပါတယ်နော်။
Source: Hlwan Paing FB Page
Photo Credit- RBV
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။