ဘရူနိုင်းကလပ် အင်ဒရာအသင်းကို ၆-၁ ဂိုးဖြင့် ဂိုးပြတ်အနိုင်ရရှိခဲ့တဲ့ ရန်ကုန်ယူနိုက်တက်အသင်း

AFC Cup 2020 ခြေစစ်ပွဲ (ပထမအကျော့) အဖြစ် ယှဉ်ပြိုင်ကစားခဲ့သည့် ဘရူနိုင်းကလပ် အင်ဒရာအသင်းနှင့် မြန်မာနိုင်ငံကိုယ်စားပြု ရန်ကုန်ယူနိုက်တက်အသင်းတို့ရဲ့ ပွဲစဉ်မှာ ရန်ကုန်အသင်းက အင်ဒရာအသင်းကို ၆-၁ ဂိုးဖြင့် အနိုင်ရရှိခဲ့ပါတယ်။ ရန်ကုန်အသင်းအတွက် ဂိုးတွေကိုတော့ သန်းပိုင် နှင့် ဘာဖို တို့က နှစ်ဂိုးစီ မောင်မောင်လွင် နှင့် အောင်ကျော်နိုင် တို့က တစ်ဂိုးစီ သွင်းယူပေးခဲ့ပါတယ်။

ရန်ကုန်ယူနိုက်တက်အသင်း နည်းပြချုပ် ဦးတင်မောင်ထွန်း ကတော့ "ဒီနေ့ပွဲမှာ ကစားသမားတွေ အကောင်းဆုံး ကစားခဲ့ပြီး အနိုင်ရတဲ့အတွက် ပျော်ပါတယ်။ အင်ဒရာအသင်း က ကစားသမားတွေလည်းကောင်းတာ တာတွေ့ရပါတယ် သူတို့အသင်းကလည်း သေချာကစားနိုင်တာတွေ့ရတဲ့ အတွက် ပြိုင်ဘက်ကောင်းဖြစ်ပါတယ် " ဆိုပြီး ပြောထားခဲ့ပါတယ်။

နည်းပြချုပ် ဦးတင်မောင်ထွန်း ကတော့ " အဝေးကနေရော ကွင်းထဲထိလာရောက် အားပေးနေကြတဲ့ပရိသတ်တွေကိုလည်း ကျေးဇူးတင်ပါတယ် " ဟု ပြောကြားခဲ့ပါတယ်။ ရန်ကုန်ယူနိုက်တက်အသင်းဟာ AFC Cup 2020 ခြေစစ်ပွဲ ဒုတိယအကျော့ ပွဲစဉ်အဖြစ် အင်ဒရာအသင်းနှင့် လာမည့် ဇန်နဝါရီလ ၂၉ ရက်နေ့၊ သုဝဏ္ဏကွင်းတွင်ဆက်လက်ယှဉ်ပြိုင်ကစားမည် ဖြစ်ပါတယ်။

source: Yangon United Football Club 's facebook  page