ရတနာပုံအသင်း က ဘယ်လိုခြေစွမ်းရှိတယ်ဆိုတာကို သိပြီးသားဖြစ်ပါတယ်အဲ့ဒီအတွက်​ သေချာပြင်ဆင်ထားပါတယ်ဆိုတဲ့ တိုက်စစ်မှုးသန်းပိုင်

ရန်ကုန်ယူနိုက်တက်အသင်း တိုက်စစ်မှုးသန်းပိုင် က အစဉ်အလာပြိုင်ဘက်ဖြစ်သည့် ရတနာပုံအသင်းနှင့် ပွဲစဉ်အတွက် သေချာပြင်ဆင်ထားသည် ဟု ပွဲမတိုင်မီတွင် ထုတ်ဖော်ပြောကြားခဲ့ပါတယ်။“ရတနာပုံအသင်း က ဘယ်လိုခြေစွမ်းရှိတယ်ဆိုတာကို သိပြီးသားဖြစ်ပါတယ်။ အဲ့ဒီအတွက်ကြောင့် သေချာပြင်ဆင်ထားပါတယ်။ သူတို့အသင်းကလည်း ရန်ကုန်နဲ့တွေ့ရင် သေချာပြင်ဆင်လာမှာဖြစ်တဲ့အတွက် ခက်ခဲမယ့် ပွဲတစ်ပွဲလိုမြင်ပါတယ်။” ဟု သန်းပိုင် က ဆိုခဲ့ပါတယ်။

ရန်ကုန်ယူနိုက်တက်အသင်းဟာ မြန်မာနေရှင်နယ်လိဂ် ပွဲစဉ် ၃ အဖြစ် ရတနာပုံအသင်းနှင့် လာမည့် ဇန်နဝါရီလ ၂၆ ရက်နေ့၊ ညနေ ၃း၃၀ နာရီ၊ ရန်ကုန်ယူနိုက်တက် အိမ်ကွင်းတွင် ယှဉ်ပြိုင်ကစားရမည် ဖြစ်ပါတယ်။သန်းပိုင် က “တစ်ပွဲနဲ့တစ်ပွဲ ပိုကောင်းအောင် ကြိုးစားနေပါတယ်။ ဂိုးရတာကလည်း အသင်းဖော်တွေ ပံ့ပိုးမှုအားကောင်းတဲ့အတွက် ဂိုးရတာလည်း ဖြစ်ပါတယ်။ ဒီအတွက် ယုံကြည်မှုပိုရှိလာပါတယ်။ လာမယ့်ပွဲမှာလည်း အကောင်းဆုံးစွမ်းဆောင်နိုင်အောင် ကြိုးစားသွားပါမယ်” ဟု ပြောကြားခဲ့ပါတယ်။

ရန်ကုန်ယူနိုက်တက်အသင်း နှင့် ရတနာပုံအသင်းတို့၏ ၂၀၁၉ ရာသီတွေ့ဆုံမှုတွင် ရန်ကုန်အသင်းက ၁ ပွဲနိုင်၊ ၁ ပွဲရှံး ရလဒ်ရရှိထားပါတယ်။“အသင်းသားတွေနဲ့ နည်းပြတွေကြားမှာ နားလည်မှုတွေကောင်းလာတယ်။ တစ်ယောက်နဲ့တစ်ယောက်လည်း အချိတ်အဆက်ပိုမိလာပါတယ်။ နောက်ပွဲတွေမှာလည်း ဒီထက်ပိုကောင်းအောင် စည်းစည်းလုံးလုံး၊ နားလည်မှုရှိရှိနဲ့ ကစားသွားပါမယ် အိမ်ကွင်းမှာ ကစားရမှာဖြစ်တဲ့အပြင် ပွဲကောင်းတစ်ပွဲဖြစ်တဲ့အတွက် ပရိသတ်တွေလည်း လာရောက်အားပေးကြမယ်လို့ မျှော်လင့်ပါတယ်။ ပရိသတ်တွေလိုချင်တဲ့ အနိုင်ရလဒ်ရရှိအောင် စွမ်းဆောင်ပေးသွားပါမယ်လို့ ပြောချင်ပါတယ်”ဟုပြောကြားခဲ့ပါတယ်။ 

source : Yangon United Football Club 's facebook page