ထိုင်းအမျိုးသမီးအသင်းနှင့် ယှဉ်ပြိုင်ကစားခဲ့တဲ့ ပထမခြေစမ်းပွဲတွင် ၂-၁ဂိုးဖြင့် ရူံးနိမ့်ခဲ့တဲ့ မြန်မာလက်ရွေးစင် အမျိုးသမီးအသင်း

အိုလံပစ်ခြေစစ်ပွဲ တတိယအဆင့် ပြိုင်ပွဲအတွက် ပြင်ဆင်နေသော မြန်မာ့လက်ရွေးစင်အမျိုးသမီးအသင်းဟာ ယနေ့ (စက်တင်ဘာ ၂၅ရက်) ကမန္တလာသီရိကွင်းတွင် ထိုင်းလက်‌ရွေးစင်အမျိုးသမီးအသင်းနှင့် ခြေစမ်းပွဲ ယှဉ်ပြိုင်ကစားခဲ့ပြီး ၂-၁ ဂိုးဖြင့် ရူံးနိမ့်ခဲ့ပါတယ်။ခြေစမ်းပွဲဖြစ်တာနှင့်အညီ နှစ်သင်းစလုံး ကစားသမားများကို စမ်းသပ်အသုံးပြုခဲ့ပြီး လူစားလဲမှု အများအပြားပြုလုပ်ခဲ့ကြပါတယ်။

အိမ်ရှင်မြန်မာအသင်းဟာ ပွဲစဉ်တလျောက် ဖိအားပေးကစားနိုင်ခဲ့သော်လည်း အဆုံးသတ်မသေချာမှုနှင့် ဂိုးကံခေမှုများကြောင့် ဦးဆောင်ဂိုး မသွင်းယူနိုင်ခဲ့ပေ။ ဧည့်သည် ထိုင်းအသင်းဟာတန်ပြန်တိုက်စစ်နှင့် တိုက်စစ်ကစားသမားများ၏ အဆုံးသတ်သေချာမှုများကြောင့် အနိုင်ရရှိသွားခဲ့ခြင်း ဖြစ်ပါတယ်။

မြန်မာ့လက်ရွေးစင်အမျိုးသမီးအသင်းနှင့် ထိုင်းလက်ရွေးစင်အမျိုးသမီး အသင်းတို့ဟာ မန္တလေးမြို့၊ မန္တလာသီရိကွင်းတွင် ခြေစမ်းပွဲ နှစ်ပွဲ ယှဉ်ပြိုင်ကစားမည်ဖြစ်ရာ ဒုတိယမြောက်ခြေစမ်းပွဲစဉ်ကို လာမည့် စက်တင်ဘာ ၂၈ရက် ညနေ ၄နာရီတွင် ကျင်းပပြုလုပ်သွားမည် ဖြစ်ပါတယ်။ 

source:MFF's facebook page