ကိုယ်တိုင်ကြိုးစားအားထုတ်မှုတို့ကြောင့် အနုပညာလောကတွင် နေရာတစ်နေရာ ရရှိလာသူလေးကတော့ သရုပ်ဆောင် မင်းသမီးချောလေး နေခြည်ဦးပဲ ဖြစ်ပါတယ်။ သူမဟာ အမြဲတမ်း ပေါ့ပေါ့ပါးပါးလေးနဲ့ ပျော်ပျော်ရွှငိရွှင်နေတတ်တာကြောင့်လည်း အားလုံးက ချစ်မဝဖြစ်နေရတာပါ။ ချီချီဟာ သရုပ်ဆောင် အလုပ်သာမကဘဲ မိန်းကလေးတွေအတွက် အလှအပရေးရာအတွက်လည်း အမြဲတမ်းလမ်းညွှန်ပေးတတ်သူ တစ်ဦးပါ။
မနေ့ကတော့ သူမရဲ့(၂၈) နှစ်မြောက် မွေးနေ့ရက်မြတ်လေးပဲ ဖြစ်ပါတယ်။ ချီချီဟာ သူမရဲ့မွေးနေ့လေးကို အဖိုး၊အဖွားတွေရှိတဲ့ ရွာလေးမှာ အလှူအကြီးကြီးတွေ ပြုလုပ်ကာ ဖြတ်သန်းကုန်ဆုံးခဲ့တာပါ။ သူမရဲ့ မွေးနေ့လှုပ်ရှားမှုတွေကို လည်း Instagram Stories မှာ ပရိသတ်တွေကို ဝေမျှပေးထားတာပဲ ဖြစ်ပါတယ်။
အခုမှာလည်း ပရိသတ်တွေ ကြည့်လိုက်တာနဲ့ ကြည်နူးပီတိဖြစ်စေမယ့် ဗီဒီယိုလေးတစ်ခုကို တင်ထားတာပါ။ ဒါကတော့ မွေးနေ့လေးမှာ ချစ်မေမေရဲ့ခြေဖျားလေးကိုနဖူးလေးနဲ့ထိကာရိုသေစွာရှိခိုးကန်တော့နေတဲ့ ဗီဒီယိုလေးပဲ ဖြစ်ပါတယ်။ ချီချီရဲ့ မိခင်ဖြစ်သူ အန်တီဆွေကလည်း " တစ်ခါတစ်လေဝမ်းသာရမလိုဘဲ ကြီးကြီးအပြစ်လုပ်ရင် အလှူအကြီးကြီး လာလာလုပ်တယ် " ဆိုပြီး သမီးဖြစ်သူကို စနောက်ထားပါသေးတယ်။ ပရိသတ်တွေအတွက် ဒီဗီဒီယိုလေးကို တင်ဆက်ပေးလိုက်ရပါတယ်နော်။
Source and Photo Credit- Naychioo-official’s Instagram Stories
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
