မြေးလေးကိုပေါင်ပေါ်တင်ပြီး ပျော်ပျော်ရွှင်ရွှင်နဲ့ ခေါက်ဆွဲထိုင်ရောင်းနေတဲ့ လူရွှင်တော်ကြီးဦးဧရာ

တစ်ခေတ်တစ်ချိန်က အနုပညာလောကမှာရော သဘင်လောကမှာပါ နေရာရအောင်မြင်ခဲ့တဲ့ ဟာသသရုပ်ဆောင်၊ လူရွှင်တော်ကြီးဦးဧရာကိုတော့ အားလုံးကသိကြမယ်ထင်ပါတယ်နော်။ ပရိသတ်တွေတော်တော်များများကလည်း သူ့ရဲ့ဟာသပြက်လုံးတွေ၊ ပြောင်မြောက်တဲ့သရုပ်ဆောင်ချက်တွေကို ကြည့်ရှုခံစားရင်း ပျော်ရွှင်ခဲ့ရတာလည်း ဖြစ်ပါတယ်။ လက်ရှိမှာတော့ လူရွှင်တော်ကြီးဦးဧရာက အနုပညာအလုပ်တွေကို ရပ်နားလိုက်ပြီပဲ ဖြစ်ပါတယ်။

ဦးဧရာအနေနဲ့ ပြီးခဲ့တဲ့နှစ်ပိုင်းကတည်းက ခါးနာတဲ့ဝေဒနာကိုခံစားခဲ့ရပြီး မကြာခဏဆိုသလို ဆေးရုံတက်ရောက်ကာ ကုသမှုခံယူခဲ့ရတာပဲ ဖြစ်ပါတယ်။ ဘဝကိုအရှုံးမပေးဘဲ ကြံ့ကြံ့ခံကာရင်ဆိုင်ဖြတ်သန်းနေတဲ့ ဦးဧရာက အခုလည်း မြေးလေးနဲ့အတူ ကိုယ်တိုင်ကိုယ်ကျ ခေါက်ဆွဲရောင်းနေတာပဲ ဖြစ်ပါတယ်။ ဦးဧရာက မြေးလေးကိုပေါင်ပေါ်တင်ပြီး ခေါက်ဆွဲရောင်းနေတဲ့ပုံလေးတွေကို မျှဝေပေးထားတာ ဖြစ်ပါတယ်။

ဦးဧရာက " ရာရာနဲ့ မြေးလေးတို့ဈေးရောင်းနေကြတာပါ မြေးလေအဖေက အချက်အပြုတ်သင်တန်းကျောင်းမှာ ဒီပလိုမာရထားတော့ဒီအလုပ်ကိုစလုပ်ကြသည်ပေါ့ ကြက်သားပလာတာနဲ့ ပန်းသေးခေါက်ဆွဲစပါယ်ရှယ်လစ်မို့လို့အော်ဒါများလက်ခံပါ၏ 09799638858 " ဆိုပြီး တင်ထားတာပဲ ဖြစ်ပါတယ်။ ကဲ ချစ်ပရိသတ်တွေအတွက် ပျော်ပျော်ရွှင်ရွှင်နဲ့ ခေါက်ဆွဲထိုင်ရောင်းနေတဲ့ လူရွှင်တော်ကြီးဦးဧရာရဲ့ပုံရိပ်တွေကို ပြန်လည်မျှဝေပေးလိုက်ပါတယ်နော်။

Source & Photo Credit-လူရွှင်တော် ဧရာ's FB Acc