ဇာတ်လမ်းတွဲသွားရိုက်ရင်းစည်းလုံးပျော်ရွှင်စွာနဲ့ ကိုယ်တိုင်ချက်ပြုတ်ပြီးအလှူပြုခဲ့ကြတဲ့ခိုင်သင်းကြည်တို့အနုပညာရှင်တစ်စု

မင်းသမီးချော ခိုင်သင်းကြည်ကတော့ အကယ်ဒမီနှစ်ဆုတိတိရရှိပိုင်ဆိုင်ထားသူဖြစ်ပြီး အခုချိန်အထိလည်း အကယ်ဒမီဆုတွေမျှော်မှန်းရလောက်တဲ့အထိ သရုပ်ဆောင်ပိုင်းမှာ ထူးချွန်နေဆဲဖြစ်ပါတယ်။ ဇာတ်ရုပ်နဲ့ပတ်သက်ရင် အပိုအလိုမရှိဘဲအကောင်းဆုံးသရုပ်ဆောင်နိုင်တဲ့ ခိုင်သင်းကြည်က မကြာခင်ကလည်း ဇာတ်လမ်းတွဲလေးတစ်ခုကို လက်ခံရိုက်ကူးခဲ့ပါတယ်။ အခုဆိုရင် ခိုင်သင်းကြည်ပါဝင်သရုပ်ဆောင်ထားတဲ့ ဇာတ်လမ်းတွဲလေးက ဒီနေ့ညကစတင်ပြီး MRTV-4 မှာထုတ်လွှင့်ပြသတော့မှာ ဖြစ်ပါတယ်။

ဒါကြောင့် ခိုင်သင်းကြည်ကဒီဇာတ်လမ်းတွဲလေးပတ်သက်တဲ့ အမှတ်တရတွေကို " “ ဆူးပန်းခွေသွယ်ဘယက်နှင့်ပေရွက်လိပ်နားထောင်းဆင်” ရုပ်သံဇာတ်လမ်းတွဲဒီနေ့ည ၇နာရီMRTV 4 မှာစတင်ပြသပါပြီရှင် ဒီဇာတ်လမ်းတွဲကြီးမှာဆရာမလေးမပုန်းရည်အဖြစ်မခိုင်လေးပါဝင်သရုပ်ဆောင်ထားပါတယ်,တချို့တွေကလည်းမပုန်းရည်က၂၀ကျော်အရွယ်လေးဖြစ်ရမှာမခိုင်လေးနဲ့မလိုက်ဘူးလို့ရေးကြတာတွေ့ပါတယ်(ကိုယ့်ပရိတ်သတ်တွေကြတော့လည်းစာအုပ်ဖတ်ပြီးကတည်းကမပုန်းရည်လေးကကိုယ်နဲ့မှအလိုက်ဆုံးတဲ့)သူတို့ရေးကြတာလဲအမှန်ပါဘဲ၂၀အရွယ်သရုပ်ဆောင်နဲ့ဆိုရင်တော့ပိုလိုက်ပါတယ် မခိုင်လေးကလည်းကိုခန့်တို့မခိုင်ကြီးတို့ကလုပ်စေချင်လို့ရယ်ကိုယ်တိုင်ကလည်းဒီကာရိုက်တာလေးကိုကြိုက်လို့ရယ်ရိုက်ဖြစ်သွားတာပါ

ဘယ်လိုပဲဖြစ်ဖြစ်အားသာချက်အားနည်းချက်ဆိုတာရှိစမြဲမို့ မခိုင်လေးအတွက်အားနည်းချက်တွေရှိပေမဲ့တစ်ခြားသရုပ်ဆောင်နဲ့ဆိုရင်လည်းအားသာချက်အားနည်းချက်တွေရှိမှာပါဘဲ,သရုပ်ဆောင်တဲ့အပိုင်းကတော့အေးဆေးတည်ငြိမ်ပြီးခါတိုင်းကားတွေလို အစွာပုံစံမဟုတ်ပေမယ့်ဆရာမဆိုတော့ပြတ်သားတိကျတဲ့အသံအနေအထားနဲ့တော့သရုပ်ဆောင်ပါတယ်ကျန်တဲ့အဝတ်အစားမိတ်ကပ်လည်းဂရုစိုက်ထားပါတယ်(ဒီဓါတ်ပုံထဲကပိတ်ဖောက်ဇာအကျီလေးကဇာတ်ဝင်သီချင်းနဲ့မြို့တက်တဲ့အခန်းမှာမို့ဝတ်တာပါ)

ဘာပဲပြောပြောဒီဇာတ်လမ်းတွဲရိုက်ကူးနေတဲ့အချိန်တွေမှာကိုယ့်အဖွဲ့သားတွေစည်းလုံးပြီးပျော်စရာကောင်းခဲ့သလိုအလှူတွေအများကြီးလုပ်ဖြစ်ခဲ့တာလဲအမှတ်တရပါပဲ ပြီးတော့မခိုင်လေးကလက်ခံထားတဲ့ရုပ်ရှင်ကားကြီးရယ်(ဇာတ်လမ်းတွဲရက်ကနည်းနည်းရွှေ့သွားလို့)Myanmar’s Got Talent နဲ့ရုံတင်တဲ့ဇာတ်ကား press show,အသံသွင်းတွေအတွက်ရန်ကုန်ပြန်ရတာမို့နည်းနည်းတော့ပင်ပန်းပါတယ်" ဆိုပြီး မျှဝေထားသလို ဒီဇာတ်လမ်းအတွက် အပင်ပန်းခံပြီး ရိုက်ကူးခဲ့ရပုံတွေကိုလည်း ပရိသတ်တွေအတွက် အသေးစိတ်ရေးသားပြောပြထားပါသေးတယ်။ ကဲ ချစ်ပရိသတ်တွေအတွက် မခိုင်လေးတို့အနုပညာရှင်တစ်စုရဲ့အမှတ်တရပုံရိပ်တွေကို ပြန်လည်မျှဝေပေးလိုက်ပါတယ်နော်။

Source & Photo Credit-Khine Thin Kyi's FB Acc