ပွဲစဉ် (၇) တွင် ရတနာပုံအသင်း နှင့် ထိပ်တိုက်တွေ့ဆုံမှုဖြင့်ယှဉ်ပြိုင်ကစားမယ့် ဧရာဝတီယူနိုက်တက်

MPT မြန်မာနေရှင်နယ်လိဂ် ၂ဝ၂၀ အမှတ်ပေးဘောလုံးပြိုင် ပွဲစဉ်(၇) အဖြစ် ဖေဖော်ဝါရီလ ၂၃ ရက်နေ့ ညနေ ၃ နာရီ ၃၀ မိနစ် ၊ ပုသိမ် ကျောက်တိုင်ကွင်းမှာ အိမ်ရှင် ဧရာဝတီယူနိုက်တက်အသင်း နှင့် ရတနာပုံအသင်း တို့ ယှဉ်ပြိုင်ကစားသွားကြမှာလည်းဖြစ်ပါတယ်။ပွဲစဉ် (၆)အပြီး ဧရာဝတီယူနိုက်တက်အသင်းက ရမှတ် ၁၆ မှတ်နဲ့ အဆင့်(၃) နေရာမှာ ရပ်တည်နေပြီး ဧည့်သည် ရတနာပုံအသင်းက ရမှတ် ၅ မှတ်ဖြင့် အဆင့် ၈ နေရာမှာ ရပ်တည်နေပါတယ်။

လက်ရှိ ဒီနှစ်သင်းကြား အမှတ်ကွာဟမှုက ၁၁ မှတ် ရှိနေတာဖြစ်ပါတယ်။ ဒါကြောင့် အိမ်ကွင်းမှာဧရာဝတီယူနိုက်တက်အသင်းအနေနဲ့ သူတို့ရဲ့ ပုံစံကောင်းကို ဆက်လက်ထိန်းသိမ်းထားနိုင်မလား... ရတနာပုံအသင်းကပဲ ရလဒ်ဆိုးရွားနေမှုတွေကြားက ပြန်လည် ရုန်းထွက်လာနိုင်မလားဆိုတာ စောင့်ကြည့်ရမှာပါ။ ယင်း ပွဲလည်း အကြိတ်အနယ် ယှဉ်ပြိုင်ကစားမယ့် ပွဲကောင်းတစ်ပွဲဖြစ်လာမှာသေချာပါတယ်နော်...။

ပြီးခဲ့နှစ် ကျောက်တိုင်ကွင်း တွေ့ဆုံမှုမှာ ဧရာဝတီယူနိုက်တက်(၅-၂) ရတနာပုံအက်ဖ်စီ ဖြစ်ပါတယ်။ ဒီပွဲစဉ်မှာလည်း ရမှတ်တွေလိုနေတဲ့ ရတနာပုံအသင်းက အကောင်းဆုံးကြိုးစားသွားမှာဖြစ်သလို ဧရာဝတီယူနိုက်တက် အသင်းကလည်း နောက်တစ်ဆင့် တက်ရောက်နိုင်ရေးအတွက် ကြိုးစားယှဉ်ပြိုင်သွားမှာဖြစ်တာကြောင့် ပရိသတ်ကြီးလည်း စောင့်မျှော်ကြည့်ရှုပေးပါဦးနော်....။

Photo Credit - Myanmar National League Facebook page

Source - Myanmar National League Facebook page