ဈေးအသက်သာဆုံး ခေတ်မီ တင့်ကားစာရင်းတွင် ပါဝင်ခဲ့တဲ့ T 90

ပရိသတ်ကြီးရေ ဒီတစ်ခါမှာတော့ ကမ္ဘာပေါ်ရှိ စွမ်းအားအမြင့်ဆုံး တင့်ကား ၁၀စီးထဲမှာ တစ်ခုအပါအဝင်ဖြစ်တဲ့ "T 90" တင့်ကားအကြောင်းကို ဗဟုသုတဖြစ်ဖွယ် မှတ်သားသိရှိရအောင် ရေးသားဖော်ပြပေးသွားမှာ ဖြစ်ပါတယ်။ ရုရှားနိုင်ငံတွင် အများဆုံး ထုတ်လုပ်ခဲ့တဲ့ တစ်မျိုးတည်းသော တင့်ကား အမျိုးအစားဖြစ်တဲ့ T 90 ဟာ အနောက်နိုင်ငံများမှ ထုတ်လုပ်တဲ့ တင့်ကားများနှင့် နှိုင်းယှဉ်ရင် အလွန်ခေတ်မိတယ်လို့ မဆိုနိုင်သော်လည်း ၂၀၁၈ ခုနှစ်ရဲ့ အကောင်းဆုံး တင့်ကားအမျိုးအစား (၁၀) ခုစာရင်းတွင် ပါဝင်ခဲ့ပါတယ်။

T 90 နည်းပညာဟာ ထုတ်လုပ်မှု ကုန်ကျစရိတ်အပေါ် များစွာ အကျိုးသက်ရောက်မှုရှိကြောင်း သက်သေပြခဲ့ကာ ကမ္ဘာ့တင့်ကား ရောင်းဝယ်ရေး ဈေးကွက်တွင် အအောင်မြင်ဆုံး တင့်ကားများအနက် တစ်စီးအပါအဝင် ဖြစ်ခဲ့ပါတယ်။ ထို့အတူ T 90 ဟာ ဈေးအသက်သာဆုံးခေတ်မီ တင့်ကား စာရင်းတွင်လည်း ပါဝင်ခဲ့ပါတယ်။ T 90 ဟာ အရွယ်အစားသေးငယ်တာကြောင့် ဗုံးဖြင့် ပစ်ရန်မလွယ်ကူသလို ပစ်ခတ်မှုကို လုံလောက်စွာ ထိန်းချုပ်ထားနိုင်တာပါ။

စွမ်းအားမြင့် စက်တပ်ဆင်ထားတဲ့ T 90 ရဲ့အားနည်းချက်ဟာ တင့်ကားကိုယ်ထည် အကန့်တွင် ခဲယမ်းမီးကျောက်များ သိုလှောင်ထားတာပဲ ဖြစ်ပါတယ်။ ဒါကြောင့်မလို့ တင့်ကားကိုယ်ထည်က ခဲယမ်းများကို ထိုးဖောက်မိတာနဲ့ တင့်ကားအတွင်း လိုက်ပါလာသူများ သေဆုံးကြရသလို တင့်ကားလည်းပျက်စီးရတာ ဖြစ်ပါတယ်။ အပူလှိုင်းသုံးအဆင့်မြင့် မြင်ကွင်းရှာ စနစ်မပါရှိခြင်းနှင့် တာဝေးပစ်မှတ်ကို တိကျစွာမပစ်ခတ်နိုင်ခြင်းတို့ဟာ T 90ရဲ့ အခြားအားနည်းချက်များ ဖြစ်ကြပါတယ်။ သို့သော် T 90 ဟာ တင့်ကားခွင်း ဒုံးကျည်များ ပစ်လွှတ်ရာတွင် ပြသနာတစ်စုံတစ်ရာမှ မရှိပါဘူး။ လက်ရှိအချိန်မှာတော့ ရုရှားနိုင်ငံထုတ် T 90 တင့်ကားများကို အယ်လ်ဂျီးယီးယား၊ အဇာဘိုင်ဂျန်၊ တာ့စ်မင်းနစ္စတန်၊ ရုရှနှင့် ဗင်နီဇွဲလားနိုင်ငံတို့မှာ အသုံးပြုလျက်ရှိပါတယ်။

Source မောင် သာ ရှေးဟောင်းသုတေသန

photo credit pngtree

သတင်းဖော်ပြခွင့်ပေးတဲ့ "မောင် သာ ရှေးဟောင်းသုတေသန"ကို ကျေးဇူးတင်ရှိပါတယ်။