မူလသတ်မှတ်ထားသည့် ရက်မှ ရှေ့တစ်ရက်စောကာ မတ်လ ၇ရက်တွင် ကျင်းပပြုလုပ်သွားမယ့် ကပင်ယူနိုက်တက်နဲ့ ဆောက်သမ်းမြန်မာအသင်း

ယခုတစ်ပတ်တွင် ကျင်းပသွားမည့် MPT Myanmar National League 2020 အမှတ်ပေးဘောလုံးပြိုင်ပွဲ၏ပွဲစဉ်(၉) ပွဲစဉ်များအနက်မှ ဇွဲကပင်ယူနိုက်တက်- ဆောက်သမ်းမြန်မာပွဲစဉ်အား မူလသတ်မှတ်ထားသည့် ရက်မှ ရှေ့တစ်ရက်စောကာ မတ်လ ၇ ရက်တွင် ကျင်းပပြုလုပ်သွားမည်ဖြစ်ပါတယ် ။အာရှဘောလုံးအဖွဲ့ချုပ်မှ ကြီးမှူးကျင်းပလျက်ရှိသည့် AFC Cup 2020 ပွဲစဉ်များကို မြန်မာနိုင်ငံကိုယ်စားပြုအသင်းများအဖြစ် ရှမ်းယူနိုက်တက်အသင်းနှင့် ရန်ကုန်ယူနိုက်တက်အသင်းတို့ ယှဉ်ပြိုင်လျက်ရှိပြီး အိမ်ကွင်းအဖြစ် သုဝဏ္ဏကွင်းကို လက်ခံကျင်းပပေးလျက်ရှိပါတယ် ။ 

လာမည့် မတ်လ ၁၀ ရက်တွင် ရန်ကုန်ယူနိုက်တက်အသင်းနှင့် စင်ကာပူကလပ် ဟောင်ဂန်းယူနိုက်တက်အသင်းတို့ AFC Cup 2020 Group (F) ပွဲစဉ်အဖြစ် သုဝဏ္ဏကွင်း၌ ယှဉ်ပြိုင်သွားရမည်ဖြစ်ပါတယ် ။အာရှဘောလုံးအဖွဲ့ချုပ်သည် AFC Cup ပွဲစဉ်များကို ပုံမှန်အားဖြင့် အပတ်စဉ် ဗုဒ္ဓဟူးနေ့များတွင် နှစ်စဉ် ကျင်းပပြုလုပ်ခဲ့သော်လည်း ယခုနှစ်တွင် ရန်ကုန်ယူနိုက်တက်- ဟောင်ဂန်းယူနိုက်တက်ပွဲစဉ်ကို မတ်လ ၁၀ ရက်(အင်္ဂါနေ့)တွင် ကျင်းပရန် သတ်မှတ်ခဲ့ခြင်း ဖြစ်ပါတယ် ။

ထို့ကြောင့် ယင်းပွဲစဉ်မတိုင်မီ မတ်လ ၈ ရက်တွင် ကျင်းပပြုလုပ်ရန် သတ်မှတ်ထားသည့် MPT Myanmar National League 2020 Week 9 မှ ဇွဲကပင်ယူနိုက်တက်- ဆောက်သမ်းမြန်မာ ပွဲစဉ်အား နှစ်ဖက်ကလပ်အသင်း တာဝန်ရှိသူများ၏ သဘောတူညီမှုအရ တစ်ရက်ရှေ့တိုးကာ မတ်လ ၇ ရက်တွင် သုဝဏ္ဏကွင်း၌ ကျင်းပသွားမည်ဖြစ်ပါတယ် ။

source-Myanmar National League Facebook Page