"ကျွန်"ရုပ်ရှင် Review
ပရိသတ်ကြီးပေါ့ပေါ့ပါးပါးလေး အပန်းဖြေဖို့ရုပ်ရှင်ကြည့်မယ်
ဆိုရင်တော့ အခုရုံတင်နေတဲ့"ကျွန်"ဆိုတဲ့ကားလေး
ကိုညွှန်းဆိုပရစေ။
တစ်ကားလုံးနီးပါးလောက်
ပုဂံမြို့ရဲ့အလှအပတွေထည့်ရိုက်ထားတယ်။
နောက်ပြီး မြင့်မြတ်၊ နေတိုး၊ဝတ်မှုန်ရွှေရည်တို့ရဲ့
အပိုအလိုမရှိတဲ့သရုပ်ဆောင်မှုတွေကြောင့်
ဒီကားလေးကသာမန်မြန်မာကားတွေနဲ့မတူဘဲကြွတက်နေပါတယ်။
ဇာတ်လမ်းအကျဉ်းလေးကတော့
ကောင်းထက်စည်သာ ဆိုတဲ့ကောင်လေးနဲ့ ခင်မင်းခ ဆိုတဲ့ကောင်မလေးဟာ မတော်တဆဖြစ်ရပ်ကလေး
တစ်ခုနဲ့သူငယ်ချင်းဖြစ်သွားကြတယ်။
ကောင်းထက်စည်သာက တော်ဝင်မျိုးရိုးကဆင်းသက်လာတဲ့သူ၊သူ့မေမေဒေါ်ထိပ်တင်မလတ်ကလည်းမျိုးရိုးနဲ့ပါတ်သက်ပြီး
အလာ့ဂျီဖြစ်တတ်သူတစ်ယောက်ပေါ့။ ခင်မင်းခရဲ့မျိုးရိုးကိုတော့ဇာတ်လမ်းအစမှာမြုပ်ကွက်သဘောမျိုးထားပါတယ်။ကောင်းထက်ကပုဂံမှာဟိုတယ်ပိုင်ရှင်၊သူ့ဆီကိုလာလည်တာက အချစ်ဆုံးသူငယ်ချင်း
စာရေးဆရာလေးထိုက်တန်ပေါ့။
အဲဒီမှာပဲမိန်းမချောလေးခင်မင်းခကို သူငယ်ချင်း၂ယောက်ပြိုင်တူကြိုက်မိသွားရော။
ခင်မင်းခရဲ့အချစ်ကိုရရှိသွားသူကကောင်းထက်ပါ။
ဇာတ်ရဲ့မြုပ်ကွက်ကအဲ့မှာစပေါ်လာပါပြီ။
ခင်မင်းခရဲ့တကယ့်အမေရင်းက ဘုရားကျွန်မျိုးရိုးဆိုတာ
အဲ့ဒီအချိန်မှာဖော်ပြလိုက်ပါတယ်။
ဘုရားကျွန်ဆိုတာတစ်ခါကမြန်မာ့လူ့အဖွဲ့အစည်းမှာ
ဇာတ်နိမ့်မျိုးရိုးမှာနိမ့်ကျတဲ့လူတန်းစားတစ်ရပ်ရယ်လို့
သတ်မှတ်ထားခဲ့ကြတဲ့လူတွေပေါ့။
ခင်မင်းခဟာဘုရားကျွန်မျိုးရိုးလို့သိသွားချိန်မှာ
ဒေါ်ထိပ်တင်မလတ်တစ်ယောက်ဘယ်လောက်သွေးပျက်သွားသလဲ။မိခင်ကိုအရမ်းချစ်တဲ့ကောင်းထက်နဲ့ ခင်မင်းခရဲ့အခြေအနေ၊ခင်မင်းခနဲ့ကောင်းထက်လက်ထပ်သွားပေမယ့်
ခင်မင်းခကိုမျှော်လင့်နေဆဲ ထိုက်တန်....
စတဲ့စိတ်လှုပ်ရှားစရာ ဇာတ်လမ်း၊ဇာတ်ကွက်တွေနဲ့..
"ကျွန်"
ဒီကားလေးမှာ ကောင်းထက်စည်သာ အဖြစ် နေတိုး
ခင်မင်းခအဖြစ် ဝတ်မှုန်ရွှေရည်
ထိုက်တန် အဖြစ် ့မြင့်မြတ်
ဒေါ်ထိပ်တင်မလတ်အဖြစ် စိုးမြတ်သူဇာတို့က အဓိကပါဝင်ထားကြပါတယ်။
AGU
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။