ယူ-၁၉ ပွဲစဉ် (၁၀) အဖြစ် ယောမြေအသင်းကို အနိုင်ရရှိခဲ့တဲ့ စစ်ကိုင်းယူနိုက်တက်

MPT Myanmar National League Youth (U-19) အမှတ်ပေးဘောလုံးပြိုင်ပွဲ တစ်ပွဲအဖြစ် ပရိသတ်တွေအတွက် ပွဲစဉ်ကောင်းတစ်ပွဲဖြစ်ခဲ့တဲ့ ပွဲစဉ် (၁၀)အဖြစ် မတ်လ ၁၉ ရက်နေ့ ညနေ ၄နာရီအချိန်တွင် ယောမြေလူငယ် ယူ-၁၉အသင်း နှင့် စစ်ကိုင်းလူငယ်ယူ-၁၉အသင်း ပွဲစဉ်ကိုကျင်းပပြုလုပ်ခဲ့ပါတယ်။ ယင်းပွဲစဉ်မှာလည်း စစ်ကိုင်းယူနိုက်တက်လူငယ်အသင်းက ယောမြေအသင်းကို (၁-ဝ) ဂိုးဖြင့် အနိုင်ရရှိခဲ့ပါတယ်။

စစ်ကိုင်းယူနိုက်တက်လူငယ်အသင်းကတော့ ကစားပုံမှာလည်း ပြိုင်ဖက်အသင်းရဲ့ မှားယွင်းမှုတွေကို အခွင့်ကောင်းယူပြီး တန်းဖိုးရှိတဲ့ အနိုင်ဂိုးတစ်ဂိုးကိုရယူနိုင်ခဲ့ပါတယ်။ စစ်ကိုင်းယူနိုက်တက်အသင်း နှင့် ယောမြေအသင်းတို့ကတော့ ပွဲချိန်တစ်လျှောက်အပြန်အလှန် ဂိုးပေါက်ခြိမ်းခြောက်မှုတွေနဲ့ အခွင့်ရေးရရှိခဲ့ပေမယ့် ဂိုးအဖြစ် အသုံးချနိုင်ခြင်းမရှိပဲ ပထမပိုင်း ၄၅ မိနစ်မှာ ဂိုးမရှိသရေဖြင့် ပြီးဆုံးခဲ့ပါတယ်။

ဒုတိယပိုင်းမှာတော့ စစ်ကိုင်းယူနိုက်တက်အသင်းတွက် တန်းဖိုးရှိတဲ့ အနိုင်ဂိုးတစ်ဂိုးကို ပွဲချိန် ၈၂ မိနစ်မှာ မင်းချစ်သူ က သွင်းယူပေးခဲ့ပါတယ်။နှစ်ဖက်အသင်းရဲ့ ကစားစွမ်းရည်တွေကတော့ ပြိုင်ဆိုင်မှုတွေပြင်းထန်တဲ့ ပွဲစဉ်ဖြစ်တာကြောင့် ပရိသတ်တွေအတွက် ကြည့်လို့ကောင်းတဲ့ ပွဲစဉ်ကောင်းတွေပဲဖြစ်ခဲ့ပါတယ်။ ပွဲစဉ်တစ်ပွဲ နဲ့တစ်ပွဲ မှာကစားပုံတွေကတော့ ပိုမိုကောင်းမွန်တဲ့ ခြေစွမ်းရည်တွေက တကယ့်ကိုကောင်းလာတာကိုလည်းတွေ့ရပါတယ်။

Source & Photo Credit - Myanmar National League Facebook Page