ယူ-၂၁ ပွဲစဉ် (၁၁) မှာ ရှမ်းယူနိုက်တက်အသင်းကို အရေးနိမ့်ခဲ့ရတဲ့ ရန်ကုန်ယူနိုက်တက်

ပရိသတ်ကြီးရေ MPT မြန်မာနေရှင်နယ်လိဂ် လူငယ်( ယူ-၂၁ )၂၀၂၀ အမှတ်ပေးဘောလုံးပြိုင်ပွဲတွေကတော့ ပြိုင်ဆိုင်မှုပြင်းပြင်းထန်ထန် ယှဉ်ပြိုင်သွားကြပြီး ပရိသတ်တွေအတွက် ကြည့်လို့ကောင်းတဲ့ ပွဲစဉ်တွေပဲဖြစ်ခဲ့ပါတယ်။ ယခုမှာဆိုရင်လည်း မြန်မာနေရှင်နယ်လိဂ်ပြိုင်တွေကို ကျင်းပပြုလုပ်လာတာဟာ ပွဲစဉ် (၁၁) ကိုရောက်ရှိလို့လာခဲ့ပြီလည်းဖြစ်ပါတယ်။ ပွဲစဉ် (၁၁) မှာ ပရိသတ်တွေအတွက် ပွဲကောင်းတစ်ဖြစ်ခဲ့တဲ့ မတ်လ ၂၂ ရက်နေ့ ညနေ ၄နာရီ အချိန်တွင် ရန်ကုန်ယူနိုက်တက် ယူ-၂၁ အသင်း နှင့် ရှမ်းယူနိုက်တက်ယူ-၂၁ အသင်း တို့အကြိတ်အနယ် ယှဉ်ပြိုင်ကစားခဲ့ကြပါတယ်။

ယင်းပွဲစဉ်မှာလည်း ရှမ်းလူငယ်အသင်းအတွက် အဖွင့်ဂိုးကို ပွဲစချိန် ၃ မိနစ်မှာညီညီက သွင်းယူပေးခဲ့ပါတယ်။ ယင်းနောက် အပြန်အလှန် ဂိုးပေါက်ခြိမ်းခြောက်မှုတွေရရှိခဲ့ပြီး နှစ်သင်းလုံးကတော့ နောက်ထပ်ဂိုးတွေ ရယူနိုင်ခြင်းမရှိပဲ ပထမပိုင်းမှာ ရှမ်းယူနိုက်တက်အသင်းက တစ်ဂိုးဖြင့်ဦးဆောင်ထားနိုင်ခဲ့ပါတယ်။ ဒုတိယပိုင်းမှာလည်း ရန်ကုန်ယူနိုက်တက်အသင်း ရဲ့ အဆုံးသတ်ဂိုးတွေမသေချာခဲ့တာကြောင့် ရှမ်းယူနိုက်တက်အသင်းရဲ့ နောက်ထပ် အနိုင်ဂိုးတစ်ဂိုးကို ခွင့်ပြုလိုက်ရပါတယ်။

ရှမ်းယူနိုက်တက်အသင်းတွက် အနိုင်ဂိုးတစ်ဂိုးကို ပွဲချိန် ၇၉ မိနစ်မှာ သူရိန်ထွန်းတို့၏ သွင်းဂိုးများဖြင့် အနိုင်ရရှိခဲ့ပါတယ်။ရန်ကုန်ယူနိုက်တက် (ယူ-၂၁) အသင်းတွင် ခန့်ကျော်ဦး (ဂိုး)၊ ရန်ပိုင်ဖြိုး၊ စိုင်းဆန္ဒအောင်၊ ရဲဌေး၊ စောကျော်အဲ၊ လွှမ်းမိုးဦး၊ ဇင်ကိုထက်၊ တေဇောလင်း၊ ချစ်မင်းပိုင်၊ မင်းခန့်မောင် နှင့် နိုင်မင်းသူ တို့ပွဲထွက် ပါဝင်ခဲ့ပါတယ်။ပွဲစဉ် ၁၁ ယှဉ်ပြိုင်ကစားပြီးချိန်တွင် ၅ ပွဲနိုင်၊ ၃ ပွဲသရေ၊ ၃ ပွဲရှုံး၊ ရမှတ် ၁၈ မှတ်ရရှိထားပြီး လာမည့် မတ်လ ၃၀ ရက်နေ့၊ တောင်ဒဂုံကွင်းတွင် ငွေကြယ်ပွင့်လေးများ အသင်းနှင့် ဆက်လက်ယှဉ်ပြိုင်ကစားမည်ဖြစ်ပါတယ်။

Source & Photo Credit - Yangon United Football Club Facebook Page