အော်စကာ စာကြည့်တိုက်ကို ဇာတ်ညွှန်းတင်သွင်းခံရတယ်ဆိုတဲ့ လိမ်ဆင်တွေနှင် ဒါရိုက်တာညိုမင်းလွင်ရဲ့ဖြေရှင်းချက်
ဒါရိုက်တာ ညိုမင်းလွင်ရိုက်ကူးထားတဲ့ လိင်တူ နှစ်ဦးကြားက ချစ်ခြင်းမေတ္တာကို ဖော်ပြထားတဲ့ The Gemini ဆိုတဲ့ ရုပ်ရှင်ရဲ့ဇာတ်ညွှန်းဟာ
မြန်မာ့ရုပ်ရှင်လောကမှာ ပထမဦးဆုံး နိုင်ငံခြားက စာကြည့်တိုက်မှာ တင်သွင်းပြသဖို့ကမ်းလှမ်းခံခဲ့ရပါတယ်။ ထိုကိစ္စ နှင့်ပတ်သက်ပြီး အဖြစ်မှန်တွေပေါ်ထွက်လာတဲ့အခါမှာတော့ ဒါရိုက်တာညိုမင်းလွင်က ယခုလိုပြောကြားလိုက်ပါတယ်။
ဒါရိုက်တာ ကိုညိုမင်းလွင်က သူ့ရဲ့ The Gemini ဇာတ်ညွှန်းကို Oscar Library က ရာသက်ပန်ထားရှိဖို့ ကမ်းလှမ်းလာတယ်လို့ဖတ်လိုက်ရတယ်။ ဝမ်းသာပေးချင်ပေမယ့် သူဘယ်လိုဇာတ်ကားတွေရိုက်ထားသလဲဆိုတာ သိနေတော့ သံသယကလေးတချက် ဖြတ်ကနဲဝင်လာတာပေါ့ဗျာ။ ဘယ့်နှယ် Oscar Library ထဲကိုယ့်ဇာတ်ညွှန်းရောက်ဖို့ အဲသလောက်လွယ်သလားပေါ့။
Google မှာတချက်ရိုက်ရှာလိုက်တော့ ခြေရာလက်ရာ အကုန်ထွက်လာတာပါပဲ။ တိုတိုပြောရရင် ပိုက်ဆံပေးရတဲ့ လမ်းကြောင်းကနေ လုပ်ထားတာပဲ။ မဟားဒယားကိုလွယ်ပါတယ်။ ဒေါ်လာ ၁၂၀၀၀ နဲ့ အနည်းဆုံး မိနစ် ၄၀ ရှည်တဲ့ ရုပ်ရှင်တစ်ကားရှိရင် ရပြီ။ ခင်ဗျားလဲ အနည်းဆုံး မိနစ် ၄၀ စာ feature film တစ်ကားရိုက် ၊ Hollywood, LA က distributor ကိုငှား ၊ Oscar Library စည်းကမး်နဲ့ညီအောင် LA မှာ ၇ ရက်ပြ။ ရုပ်ရှင်ရုံက distributor နဲ့ချိတ်ထားတာ။ package ထဲပါပြီးသား။
အဲဒါဆို ခင်ဗျားဇာတ်ညွှန်းလည်း Oscar Library ကိုရောက်ပြီ။ ဒေါ်လာ ၁၀၀၀၀ လောက်ပဲကျမယ်။ Distributor က PR နဲ့ Marketing ပါလုပ်ပေးတယ်။ ဇာတ်ကား ကောင်းသည်ဖြစ်စေ မကောင်းသည်ဖြစ်စေ LA မှာရုံတင်တာနဲ့ Oscar Library ကဇာတ်ညွှန်းကို တောင်းတော့တာပဲ။ research လုပ်ဖို့ သူတို့ သိမ်းထားချင်တာ။ ကြံဖန်ဂုဏ်ယူရင်လည်း ဂုဏ်ယူပေါ့။ ဒါက ပိုက်ဆံပေးရင်ရတယ်ဆိုတာ မြန်မာပရိသတ်တွေမသိတော့ ပြောလို့တော့ ကောင်းတာပေါ့။
ဆိုတော့ကာ ဒါကြီးက သိပ်ပြီးဂုဏ်ယူလောက်စရာ မဟုတ်ဘူးဗျ။ ဘာကားပဲတင်တင် လက်ခံတဲ့ဟာကြီးကို။ နိုင်ငံတကာရုပ်ရှင်ပွဲတော်တွေမှာ ပြဖို့ အဖိတ်ခံရတယ်ဆိုရင် နဲနဲယုံလိုက်ဦးမယ်။ ဒါတောင် နာမည်မကြီး ကားသိပ်မရွေးတဲ့ ပွဲတော်တွေရှိလို့ ချင့်ယုံရဦးမှာ။
ကိုညိုမင်းလွင် သိသိကြီးနဲ့ ကြွားတာလား။ မသိနားမလည်ဘဲ အဟုတ်ကြီးမှတ်နေတာလား။ သူကိုယ်တိုင်ပဲ အသိဆုံးနေမှာပါ။ ကြိုးစားနေတဲ့ ဒါရိုက်တာတယောက်မို့ တနေ့နေ့တော့ အမှန်အကန်ဆုတွေ ရလာပါစေလို့ ဆုတောင်းပေးပါတယ်။ဟုဆိုပြီးဖေ့ဘွတ်ပေ့ချ်တစ်ခုဖြစ်တဲ့ ကွီးclub ကဖော်လိုက်တဲ့အခါမှာတော့ ညိုမင်းလွင်က ယခုလိုဘဲပြန်လည်ဖြေရှင်းခဲ့ပါတယ်။
မေထုန်ရာသီဖွား ဇာတ်ကားနဲ့ပါတ်သက်လို့
ဒီဇာတ်ကားကိုရွေးပြီးပြတာပါ လို့ မပြောခဲ့ဖူးတာ သေချာပါတယ်၊
Distributor နဲ့ဖြန့်ချိပြသရတယ်ဆိုတာမှန်ပါတယ်...
ကျွန်တော့်ကိုမေးလာသမျှ အင်တာဗျူးတိုင်းမှာလည်း အဲဒီအတိုင်းပဲဖြေခဲ့တာပါပဲ...
အဲဒီ Distributor ကိုငှါးရမ်းတယ်ဆိုတဲ့နေရာမှာတော့
ပြည်ပ Distributors များဟာ google ကပြောသလိုမလွယ်ကူဘူးဆိုတာ ကျွန်တော့်ကိုယ်တွေ့ပါ...
ဇာတ်ကားရဲ့အရည်အသွေးကို screener copy တောင်းပြီး
ပြသဖို့အဆင့်မီ မမီ စစ်ကိုစစ်ပါတယ်...
အရည်အသွေးမမီဘူးထင်ရင် မဖြစ်နိုင်ကြောင်းပြောပြီးငြင်းပါတယ်...
အဲဒီအဆင့်ရောက်ဖို့ဆိုတင် အခက်အခဲတွေအများကြီးရှိခဲ့ပါတယ်...
အဓိက အပြန်ပြန်အလှန်လှန်အစစ်ဆေးခံရတာကတော့
တီးလုံးသံလေးတစ်ခုကအစ copyright နဲ့ငြိစွန်းခြင်းရှိ မရှိဆိုတာပါပဲ...
Distributor အားလုံးကိုကျွန်တော်မသိပေမယ့်
ကျွန်တော်သိခွင့်ရလိုက်တဲ့ Westec Media ဆိုတဲ့ကုမ္ပဏီကတော့
သူတို့နဲ့အလုပ်လုပ်ကြတဲ့ Hollywood က studio ကြီးတွေရှိနေတဲ့အတွက်
ဇာတ်ကားတိုင်းကို ငွေရတိုင်း လက်ခံဖြန့်ချိပြသပေးလေ့မရှိပါဘူး...
အဲဒီကနေတဆင့် ရုံပေါ်ရောက်အောင်ကြိုးစားပြီးရင်တော့
ကျန်တာပရိသတ်ရဲ့အဆုံးအဖြတ်ပါပဲ...
Movie Reviews ရေးသားပေးတယ်ဆိုရာမှာတော့
အဲဒီရုပ်ရှင်ရုံနဲ့တိုက်ရိုက်ဆက်သွယ်ဆောင်ရွက်တဲ့ထုတ်လုပ်ရေးကို
သူတို့ဘက်က ဆောင်ရွက်ပြီးသမျှ email ပြန်ပို့လေ့ရှိပါတယ်...
အခုအထိရုပ်ရှင်ရုံဘက်က သူတို့ဆောင်ရွက်ပေးထားပါကြောင်း email မဝင်ထားသေးတဲ့အတွက်
LA Times သတင်းစာရဲ့ Movie Reviews ကဏ္ဍမှာဖေါ်ပြပါရှိခဲ့တာဟာ
သတင်းစာဘက်က ရေးတယ်လို့ပဲယူဆရပါတယ်...
ဇာတ်ညွှန်းကိုအော်စကာ library မှာထားရှိဖို့အတွက်
ကမ်းလှမ်းခံရတယ်ဆိုတာမှာလည်း
ဇာတ်ကားတိုင်းရဲ့ဇာတ်ညွှန်းကိုတောင်းယူခြင်းရှိ မရှိ
အဲဒီ librarian ကို ထုတ်လုပ်ရေးဘက်မှမေးမြန်းပြီး၊
ဇာတ်ကားတိုင်းကိုတော့ တောင်းယူလေ့မရှိပါဘူး ဆိုမှသာ
ပရိသတ်ကိုအသိပေးခြင်းဖြစ်ပါတယ်၊
ကျွန်တော်တင်ခဲ့တဲ့ post မှာ ကျွန်တော့်ဆီကို forward ရောက်လာတာပါ လို့ရေးထားခဲ့ပါတယ်...
မေးလာသမျှ ဂျာနယ်အင်တာဗျူးတိုင်းမှာ "ဘာလို့တောင်းသလဲဆိုတာ ကျွန်တော်မသိပါဘူး" လို့ဖြေခဲ့တာချည်းပါပဲ...
အခု ဒီ post ကိုဖတ်ပြီးတဲ့အချိန်မှာတော့ ပြောခဲ့တဲ့ librarian ကို
သေချာအောင်ပြန်မေးကြည့်ဖို့ ဥဒါန်းထုတ်လုပ်ရေးကိုပြောထားပြီးဖြစ်ပါတယ်...
ဒါပေမယ့်...
ဘယ်သူ့ရဲ့ကြိုးစားမှုနဲ့ပဲရောက်ရောက်
ကိုယ့်ရုပ်ရှင်ကားကို ကိုယ်အိပ်မက်မက်ခဲ့ရတဲ့နေရာတစ်ခုမှာပြသခဲ့ရပြီး
ဘယ်လောက်ပဲသေးငယ်သည်ဖြစ်စေဦးတော့
အတိုင်းအတာတစ်ခုအထိအသိအမှတ်ပြုခံခဲ့ရတာဟာ
ပျော်ပါတယ် လို့တော့အရိုးသားဆုံးဝန်ခံရမှာပါပဲ...
ကျွန်တော်ဟာ ပရိသတ်ရဲ့အားပေးမှုကို
ဘယ်တော့မှ လိမ်ပြီးယူဖို့မကြိုးစားခဲ့ပါဘူးဆိုတာကိုတော့
တစ်ရာ ရာခိုင်နှုန်းကျိန်ရဲပါရဲ့ဗျာ...' ဆိုပြီးသူ့ရဲ့ခံစားချက်နှင့် ရည်ရွယ်ချက်ကို ပွင့်ပွင့်လင်းလင်းပြောပြသွားတာ ဂုဏ်ယူစရာပါ။
ဟိုဝေဖန်တာကို မခံနိုင်ဘဲ ကောသလ မင်းကြီးရဲ့ အိပ်မက်တွေ၊ ဖက်ဆယ်လတီတွေ၊ အစိုးရကို ပုံချနေတဲ့ အနုပညာရှင်တွေထက်စာရင်တော့ အပုံကြီးသာတာပေါ့။
Anna
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။