ဆေးရုံသုံးလိုအပ်တဲ့ ပစ္စည်းတွေကို တက်နိုင်သမျှ ပါဝင်လှူဒါန်းပေးခဲ့တဲ့ ဘင်ဂျမင်ဆုမ်း

ပရိသတ်ကြီးရေ တက်သစ်စဂီတကြယ်ပွင့်ဖြစ်တဲ့ အချစ်တော်လေး ဘင်ဂျမင်ဆုမ်း ကတော့ Myanmar Idol Season - 4 အဆိုပြိုင်ပွဲမှာ ဝင်ရောက်ယှဉ်ပြိုင်ရင်း ဂီတလမ်းကြောင်းမှာ စတင်လျှောက်လှမ်းခဲ့တဲ့ သူပဲဖြစ်ပါတယ်။ Myanmar Idol Saeson - 4 ပြိုင်ပွဲမှာ မတူညီတဲ့ ကိုယ်ပိုင်စတိုင်လေးတွေနဲ့ သီဆိုပြိုင်ပွဲဝင်ခဲ့ပြီး ပရိသတ်တွေရဲ့ အထူးအားပေးခြင်းကို ရယူနိုင်ခဲ့တဲ့သူလေးပဲဖြစ်ပါတယ်။ ပြိုင်ပွဲပြီးဆုံးချိန်မှာ အနုပညာအလုပ်တွေကိုလုပ်ရင်း လူမှုရေးအကျိုးပြုလုပ်ငန်းတွေမှာ ပါဝင်ကုသိုလ်လှူဒါန်းမှုတွေလည်းတွေ့ရပါတယ်။

ယခုမှာဆိုရင်လည်း အချစ်တော်လေး ဘင်ဂျမင်ဆုမ်း က လတ်တလောဖြစ်ပွားနေတဲ့ ရောဂါ ကပ်ဆိုးကြီးကို ကြိုတင်ကာကွယ်ရေးတွေမှာ အသုံးပြုဖို့အတွက် ချွေးနည်းစာလေးနဲ့ တစ်ထောင့်တစ်နေရာကနေပါဝင်လှူဒါန်းပေးခဲ့ပါတယ်။ ယခုလို လှူဒါန်းမှုကိုလည်း သူရဲ့ လူမှုကွန်ယက်စာမျက်နှာမှာ "ကျွန်တော်တို့ (Summers) တွေက အင်းစိန်ပြည်သူ့ဆေးရုံကြီး နှင့် ပြည်သူ့ဆေးရုံကြီး(ရန်ကုန်အနောက်ပိုင်း) တို့တွင်တတ်နိုင်သလောက်လေး လှူဒါန်းခဲ့ပါတယ်ခင်ဗျ။အားလုံးကိုကျေးဇူးတင်ပါတယ်ဗျ " ဆိုပြီး ရေးသားဖော်ပြပေးထားပါတယ်။

နိုင်ငံ နှင့် လူမျိုးအတွက် တက်နိုင်သလောက်ယခုလို လှူဒါန်းပေးတာဟာ တကယ့်ကို မင်္ဂလာရှိပြီး မွန်မြတ်လှတဲ့ အလှူလေးပဲဖြစ်ပါတယ်။ ပရိသတ်ကြီးကလည်း အဆိုတော်လေး ဘင်ဂျမင်ဆုမ်း ကို ဆုမွန်ကောင်းတောင်းပေးလိုက်ပါဦးနော်...။ ကဲ....ချစ်ပရိသတ်ကြီးရေ ယခုမှာတော့ တက်နိုင်သမျှ ပါဝင်လှူဒါန်းပေးခဲ့တဲ့ ဘင်ဂျမင်ဆုမ်း ရဲ့ အလှူပုံရိပ်လေးတွေကို ပြန်လည်ဖော်ပြပေးလိုက်ပါတယ်။

Photo Credit - Benjamin Sum

Source- Benjamin Sum Facebook Page