တို့ကျောင်းရဲ့ဖန်ဆင်းရှင် ကဗျာဆရာကြီးပျဉ်းမနားမောင်နီသင်းကွယ်လွန်
ပန်းကလေးများပွင်တော့မည်
ဖူးတံဝင့်လိုချီ
နေခြည်မှာရွှေရည်လောင်း
ငါတို့စာသင်ကျောင်း။
ဆိုတဲ့"တို့ကျောင်း"ကဗျာလေးကိုအားလုံးရွတ်ဆိုခဲ့ဖူးကြမှာပါ။
ဒီကဗျာလေးရဲ့ဖန်ဆင်းရှင် ကဗျာဆရာကြီး ပျဉ်မနားမောင်နီသင်းကတော့ လွန်ခဲ့တဲ့သောကြာနေ့ကကွယ်လွန်သွားခဲ့ပါပြီ။
ဒီနေ့တနင်္ဂနွေနေ့လေးမှာတော့ ဆရာကြီးရဲ့ရုပ်အလောင်းကိုထိန်ပင်သုသာန်ကိုပို့ဆောင်သဂြိုဟ်ကြမှာပါ။
ကဗျာဆရာကြီးမောင်နီသင်းဟာ၁၉၆၄ခုနှစ် အမျိုးသားစာပေဆု (ကလေးစာပေဆု)၊ ၁၉၆၅ ခုနှစ် ''ရတနာဦးကဗျာများ'' စာအုပ်၊ ၂ဝဝ၁ ခုနှစ်၊ ''မြစပယ် နှင့် အခြားပုံပြင်များ''စာအုပ်နှင့် ၂ဝ၁၂ ခုနှစ်တွင် ''ငှက်ကလေး ၏ တေးချိုချို'' စာအုပ်တို့ုဖြင့် အမျိုးသားစာပေဆု လေးကြိမ် တိုင်တိုင်ဆွတ်ခူးရရှိခဲ့သူပါ။
သူမကွယ်လွန်မီကလည်''ကြာတောမိုးနှင့် ဇာတ်ကြီးဆယ်ဘွဲ့''စာအုပ်များကိုလည်း ဓမ္မစကူးလ်ဖောင်ဒေးရှင်းကိုလှူဒါန်းခဲ့ပါသေးတယ်။
ကလေးတွေကိုချစ်တတ်တဲ့ကလေးကဗျာတွေများစွာရေးဖွဲ့ခဲ့တဲ့ကဗျာဆရာကြီးမောင်နီသင်းဟာသေဆုံးသွားခဲ့ပေမယ့်
သူရေးခဲ့တဲ့ကဗျာလေးတွေကတော့အမြဲတမ်ရှင်သန်နေဦမှာအသေအချာပါ။
agu
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။