အခုအချိန်မှာ အရေးကြီးဆုံးက ကျန်းမာရေးပါ နေကောင်းရင် ဘာမဆို ပြန်စလို့ရပါတယ်ဆိုတဲ့ နိုင်းနိုင်း

အနုပညာလောကမှာ ဆယ်စုနှစ်တစ်ခုကြာထိ အောင်မြင်စွာ ရပ်တည်နေတဲ့ မင်းသား နိုင်းနိုင်းကတော့ ယခုအချိန်ထိ အနုပညာလှုပ်ရှားမှုတွေ ဖြည်းဖြည်းနဲ့ မှန်မှန်သာ လုပ်ဆောင်နေတဲ့ သူပါ။ နိုင်းနိုင်းက ရုပ်ရှင်ဇာတ်ကားကြီးတွေကို ဆက်တိုက်ရိုက်ကူးနေပြီး သူရဲ့ ပီပြင်တဲ့ သရုပ်ဆောင်မှုတွေကြောင့် ပရိသတ်တွေရဲ့ ရင်ထဲမှာနေရာတစ်နေရာကို အခိုင်အမာရယူထားနိုင်တဲ့ မင်းသားတစ်ယောက်ဆိုရင်လည်း မမှားနိုင်ပါဘူးနော်..... ။ 

နိုင်ငံကျော်မင်းသားတစ်ယောက်ဖြစ်တာကြောင့် သူ့ရဲ့ အနုပညာလှုပ်ရှားတွေက ဆက်တိုက်လုပ်ဆောင်နေရပေမယ့် သူအားလပ်တဲ့ အချိန်လေးတွေမှာ မိသားစုနဲ့အတူ ပျော်ရွှင်နွေးထွေးစွာ ဖြတ်သန်းနေတာလည်း ဖြစ်ပါတယ်။ ဒါ့အပြင် နိုင်းနိုင်းရဲ့ ဇနီး စန္ဒီချိုကလည်း ဇနီးကောင်းတစ်ယောက်ဖြစ်ပြီး သူ့ရဲ့ သားသမီး လေးယောက်ကလည်း သိတက်လိမ္မာတာကြောင့် နိုင်းနိုင်းတို့ မိသားစုလေးက အမြဲ ကြည်နှုးစရာတွေနဲ့ ပြည့်နေတာလည်း ဖြစ်ပါတယ်။ 

လတ်တလောမှာတော့ ကိုရိုနာဗိုင်းရပ်ရောဂါ ကူးစက်ပြန့်ပွားလာတဲ့ ပြဿနာလေးတွေကြောင့် နိုင်းနိုင်းက အနုပညာလှုပ်ရှားမှုတွေ ရပ်ဆိုင်းထားရတာပါနော်။ နိုင်းနိုင်းက အခုလိုရောဂါတွေ ဖြစ်နေချိန်မှာ " အခုအချိန်မှာ အရေးကြီးဆုံးက.. ကျန်းမာရေးပါ။ ကျန်းမာရင် ဘာမဆို ပြန်စလို့ရပါတယ်။ ကိုယ့်ကိုကိုယ် ကာကွယ်ခြင်းက တစ်လောကလုံးကို ကူညီရာရောက်ပါတယ်။ ကျွန်တော်လဲ ချစ်သောသူများအတွက် အသက်ရှင်သန်နေရပါဦးမည်" ဆိုတဲ့ စာသားလေးကို သူရဲ့ ဖေ့ဘွတ်စာမျက်နှာကနေ တင်ပေးလါတာကြောင့် ပရိသတ်တွေ ကြည့်ရှုစေနိုင်ရန်အတွက် ပြန်လည်တင်ဆက်လိုက်ပါတယ်နော်..... ။

Source & Photo credit - Actor99's facebook page