ခက်ခဲကြမ်းတမ်းစွာဖြတ်သန်းခဲ့ရတဲ့ ငယ်ဘဝက အမှတ်တရလေးတွေကို ပြန်လည်ပြောပြလာတဲ့ တန်ခွန်ကျော်

ပရိသတ်ကြီးရေ ဂီတနယ်ပယ်မှာ အချိန်အတိုတွင်း ကြယ်ပွင့်လေးလိုထွန်းလင်းတောက်ပလာတဲ့ ချင်းလူမျိုးလေး တန်ခွန်ကျော် ကိုတော့ ပရိသတ်တွေသိကြမယ်ထင်ပါတယ်။ တန်ခွန်ကျော် ကတော့ Myanmar idol season - 4 မှာ ဝင်ရောက်ယှဉ်ပြိုင်ခဲ့ပြီး ပရိသတ်တွေ အချစ်တွေကို သိမ်းပိုက်ထားနိုင်ခဲ့တဲ့ သူပဲဖြစ်ပါတယ်။ ပြိုင်ပွဲတစ်လျှောက်မှာလည်း အသံချိုချိုလေးတွေနဲ့ ကောင်းမွန်တဲ့ သီဆိုဖျော်ဖြေခဲ့တဲ့ အဆိုရှင်တစ်ယောက်ဆိုရင်လည်းမမှားပါဘူးနော်။

တန်ခွန်ကျော် ကတော ရိုးသားကြိုးစားပြီး ဂီတနယ်ပယ် ပရိသတ်တွေကို အကောင်းဆုံး သီဆိုဖျော်ဖြေပေးနိုင်တဲ့ အဆိုတော်ကောင်းတစ်ယောက်ဖြစ်အောင်လည်း ကြိုးစားလုပ်ကိုင်လာနေပြီလည်းဖြစ်ပါတယ်။ ယခုမှာဆိုရင် အချစ်တော်လေး တန်ခွန်ကျော် က အညာသားကျောကုန်း လေးတွေကို ကိုင်ပြီး ရိုက်ထားတဲ့ ပုံရိပ်လေးကိုတင်ပေးလာခဲ့ပါတယ်။ ဒီပုံလေးတွေနဲ့ အချစ်တော်လေး တန်ခွန်ကျော် က "အညာသားကျောကုန်း ရောင်းပါတယ်...တစ်ထုပ် ၁ထောင်ကျပ်ပါ " ဆိုပြီး ဈေးရောင်းနေတဲ့ ပုံစံလေးနဲ့လည်း ရေးသားထားပါသေးတယ်။

ဒါ့အပြင် တန်ခွန်ကျော် ကတော့ အညာသားကျောကုန်း မုန့်လေးနဲ့ ပတ်သတ်ပြီး ငယ်ငယ်က ခက်ခဲကြမ်းတမ်းစွာ ဖြတ်သန်းခဲ့ရတဲ့ ဘဝအကြောင်းကို ပြောထားရာမှာလည်း "ငယ်ငယ်တုန်းက ဒီမုန့်လေး ရပ်ကွက်ထဲ ပတ်ရောင်းခဲ့ဖူးတယ် ဆန်ဝယ်ဖို့ပေါ့...ခက်ခဲလွန်းခဲ့တယ် " ဆိုပြီး ပြောပြထားပါသေးတယ်။ ဘဝအရှုံးမပေးပဲ အခက်ခဲများစွာ ဘဝကိုကျော်ဖြတ်လာတဲ့ တန်ခွန်ကျော်ကို ချစ်ပရိသတ်တွေကခွန်အားရှိဖို့အတွက် အားပေးစကားလေးပြောကြားပေးခဲ့ပါဦးနော်...။

Photo Credit - Tan Khun Kyaw

Source - Tan Khun Kyaw's Facebook Page