အရှုံးကနေ သင်ခန်းစာ ယူရမယ့် စိုးလင်းဦး
အားလုံးသိကြတဲ့အတိုင်းပင် စိုးလင်းဦး အာသာ ဆလာဒိုက်ကို
အမှတ်နဲ့ရှုံးသွားခဲ့ပါတယ်။ ရိုးရာလက်ဝှေ့ပွဲစနစ်အတိုင်းမဟုတ်ဘဲ အမှတ်ပေးပုံစံဖြင့်ထိုးသတ်ရခြင်းကြောင့်စိုးကြီးရှုံးပါသည်ဟု
အပြစ်အားလုံးကိုလွှဲချလိုက်လျှင်ပင် ပွဲအတွင်းစိုးလင်းဦးမှားယွင်းခဲ့သောအမှားများအတွက်လုံလောက်သောဆင်ခြေဖြစ်လာမည် မဟုတ်ပါ။
ပွဲစကတည်းက ဘီလူးစီးသလို တရစပ် လို်က်ထိုးနေသော စိုးလင်းဦးကို အာသာက ဆုတ်ထိုးထိုးခဲ့ပါတယ်။စိုးလင်းဦးကဖွင့်ထိုးပေမယ့် အာသာရဲ့ ကောင်တာပြန်ထိုးချက်တွေကလည်းထိမိခဲ့ပါတယ်။
နောက်တစ်ချက်က စိုးလင်းဦးက ဗျူဟာပြောင်းမကစားခဲ့ပါဘူး။အာသာကို ငါးချီအရောက်မခံဘဲ အလဲသိပ်ဖို့ကြိုးစားရာမှာစိုးလင်းဦးဟာ တခြားတိုက်ကွက်တွေကိုမသုံးသွားခဲ့ပဲ လက်သီးတစ်မျိုးတည်းပဲအသုံးပြုခဲ့တယ်။မြန်မာ့လက်ဝှေ့မှာ သတ်ကိုးသတ်ဗျူဟာရှိတာ လူတိုင်းအသိပင်။
စိုးလင်းဦးရဲ့မာဂုဏ် ကိုအသုံးပြုတတ်ခြင်းကလည်း ဒီပွဲမှာသူရဲ့အမှားတစ်ခုဖြစ်သွားပါတယ်။တွေ့မရှောင်ဆီမှာလည်းမာဂုဏ်အသုံးပြုတာမျိုးတွေ့ရဖူးပါတယ်။ရိုးရာလက်ဝှေ့ပွဲတွေမှာဒီနည်းနဲ့သွားထိုးလို့ရသော်လည်း
အခုလိုအမှတ်နဲ့ပြိုင်ပွဲတွေကျတော့ စိုးလင်းဦးဒုက္ခရောက်သွားသည်။အာသာကတော့စိုးလင်းဦးအမှားကိုစောင့်ကာအမှတ်ယူထိုးသတ်သွားပါတယ်။ပွဲစကတည်းက မတရားလိုက်ထိုးနေသောစိုးလင်းဦးနောက်ဆုံးအချီမှာသက်လုံကျသွားပါတယ်။ဒီတော့နောက်ဆုံးအချီဟာ အာသာရဲ့ပွဲဖြစ်သွားတာ အားလုံးမြင်လိုက်ကြမှာပါ။
အချုပ်ဆိုရရင် စိုးလင်းဦး ဒီပွဲရဲ့အရှုံးကနေသင်ခန်းစာယူကာ
အမြန်ဆုံးပြန်ထနိုင်ရပါမယ်။ဒါမှ ယောကျာင်္းဘသားလို့ ခေါ်နိုင်မယ်မဟုတ်ပါလား။
agu
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
