ကကြီးခကွေးရေးရတာ အရမ်းခက်တယ်လို့ ဆိုလာတဲ့ ဂျာမန်အဆိုတော်လေး Mikis

မြန်မာစကားကိုတော်တော်ရေလည်အောင်ပြောတတ်တယ်လို့ နာမည်ကြီးတဲ့ ဂျာမန်အဆိုတော်လေး Mikis ဟာ

မြန်မာစကားကို ဆရာနဲ့ ကျကျနနသင်ကြားခဲ့တာမဟုတ်ဘဲ လမ်းပေါ်၊ လက်ဖက်ရည်ဆိုင်နဲ့ သူငယ်ချင်းတွေဆီက သင်ယူခဲ့တာဖြစ်တယ်လို့ဆိုပါတယ် ။

ဒါကြောင့်မို့ သူ့ကိုယ်သူ မြန်မာစကား သေချာမသိဘူးလို့ ခံယူထားတဲ့ Mikis ဟာ မြန်မာစကားကို ဆက်လက်သင်ယူဖို့လည်း စိတ်ဝင်စားနေသူပါ။

ခုလက်ရှိမှာတော့ ဆရာတစ်ယောက်နဲ့ မြန်မာစာကို အခြေခံကစပြီး သင်ယူနေပါပြီ ။

"အခု ဆရာတစ်ယောက်ရှိနေပြီ။သူက ကကြီး ၊ ခခွေး သင်ပေးနေတယ်။ ဒါပေမဲ့ ခက်တယ်။ အရမ်း အရမ်း လောလို့မရဘူး။ စိတ်ကို အေးအေးထားရတယ်။ ဒါပေမဲ့ ကတိပေးတယ်။ ဗမာစကားကို နောက်တစ်နှစ်မှာ အကုန်ပြောတတ်မယ်” လို့ Mikis Weber က Myanmar People Magazine ကို ပြောခဲ့တာ ဖြစ်ပါတယ်။

Mikis ဟာ အားပေးတဲ့မြန်မာပရိတ်သတ်တွေ အများအပြားရရှိထားပြီး အိချောပို၊ ပိုင်ဖြိုးသုတို့နဲ့အတူူ ရုပ်ရှင်ရိုက်ကူးဖို့လဲရှိပါတယ် ။

ရှေ့ဆက်မယ့် အနုပညာလမ်းကြောင်းနဲ့ ပတ်သတ်ပြီးတော့ ... 

" Visa သက်တမ်းကတော့ နောက်တစ်နှစ်ရှိသေးတယ်။ဒါပေမယ့် အကြာကြီးနေချင်တယ်။အခုထိတော့ ဗမာစကားကို မသိဘူး။ တချို့ စကားလုံးတွေ မပြောတတ်ဘူး။ဒါကြောင့် ကျွန်တော် ခဏခဏတိုင်ပတ်နေတယ်။ အင်တာဗျူး အများကြီးရှိတယ်။ ရုပ်ရှင်ရိုက်မယ်။ကြော်ငြာရိုက်မယ် ။ဗမာစကားအများကြီးမှတ်ရတယ်။ Mikis ဗမာစကားလုံးတွေ မသိဘူး” လို့ Mikis က ပြောခဲ့တာ ဖြစ်ပါတယ်။

သတင်းအရင်းမြစ် Duwun