မွေးနေ့မှာအနုပညာလောကသား(၁၀)ဦးကို တစ်ဦးလျှင်တစ်သိန်းကျပ်နှုန်းနဲ့ ကိုယ်တိုင်လိုက်လံလှူဒါန်းပေးခဲ့တဲ့ နန်းမြတ်ဖြိုးသင်း

မင်းသမီးချောလေး နန်းမြတ်ဖြိုးသင်းကတော့ အဆိုတော်အဖြစ်ရော သရုပ်ဆောင်အဖြစ်ပါ အောင်မြင်မှုတွေရရှိခဲ့တာ ဖြစ်ပါတယ် ။ လက်ရှိမှာတော့ နန်းမြတ်ဖြိုးသင်းက အိမ်ထောင်ကျပြီး ကလေးတစ်ယောက်မေမေဘဝကို ခံယူထားတာ ဖြစ်ပါတယ် ။ ဒီနေ့ဇွန်လ (၂)ရက်နေ့လေးကတော့ နန်းမြတ်ဖြိုးသင်းရဲ့မွေးနေ့ရက်မြတ်လေးဖြစ်ပြီး သူမအနေနဲ့မွန်မြတ်တဲ့အလှူလေးတစ်ခုကို ပြုလုပ်ခဲ့တာ ဖြစ်ပါတယ် ။

နန်းမြတ်ဖြိုးသင်းက Covid-19 ဖြစ်ပွားနေတဲ့ကာလမှာ အခက်ကြုံနေရတဲ့အနုပညာလောကသားတွေထဲက (၁၀)ဦးကိုရွေးချယ်ပြီး တတ်နိုင်သလောက်ကူညီလှူဒါန်းခဲ့တာ ဖြစ်ပါတယ် ။ နန်းမြတ်က "နန်းမြတ်ရဲ့ဒီနေ့မွေးနေ့အလှူလေးကိုအားလုံးနဲ့မျှဝေချင်ပါတယ် နန်းမြတ်တို့အနုပညာလောကမှာခုချိန် COVID-19ကြောင့် အလုပ်တွေအားလုံးနားထားရပြီးအားလုံးခက်ခဲနေကြရတဲ့အချိန်ပါ အဲ့အတွက်နန်းမြတ်က လိုအပ်နေသူတွေထဲကမှ ၁၀ဦးကိုတစ်ဦးလျှင် ၁သိန်းနှုန်းနဲ့ ၁၀သိန်းလှူဒါန်းဖြစ်ခဲ့ပါတယ်

အလှူလိုက်လုပ်ရင်း ကိုယ့်လောကသားကလူတွေကိုတွေ့ရလို့ဝမ်းသာသလို အဆင်မပြေကြလို့ဝမ်းလည်းနည်းမိတယ်အားလုံးရဲ့ပျော်ရွှင်မှုတွေကတော့ နန်းမြတ်အတွက်ပြောမပြနိုင်တဲ့ပီတိတွေပါပဲ ဒီထက်ထိလည်း အများကြီးလှူချင်ပါသေးတယ် နန်းမြတ်ရဲ့အလှူလေးကို အားလုံးထပ်တူရစေရန် မျှဝေလိုက်ပါတယ်နော် သာဓုခေါ်နိုင်ကြပါစေ"ဆိုပြီး ပုံလေးတွေကို တင်ထားတာဖြစ်ပါတယ်။ ကဲ ချစ်ပရိသတ်တွေအတွက် မွေးနေ့မှာမွန်မြတ်တဲ့အလှူတစ်ခုပြုခဲ့တဲ့ နန်းမြတ်ဖြိုးသင်းရဲ့ပုံရိပ်လေးတွေကို ပြန်လည်မျှဝေပေးလိုက်ပါတယ်နော် ။

Source & Photo Credit-Nann Myat Phyo Thinn's FB Page