ကမ္ဘာတစ်ဝန်းက သတင်းများကို ပထမဆုံး ပုံနှိပ်ထုတ်ဝေခဲ့တဲ့ ဂျာမာန်သတင်းစာ

ပရိသတ်ကြီးရေ ဒီတစ်ခါမှာတော့ ကမ္ဘာ့အစောဆုံး ပုံနှိပ်ထုတ်ဝေခဲ့တဲ့ သတင်းစာတွေထဲမှာ တစ်ခုအပါအဝင်ဖြစ်တဲ့ "Avisa Relation oder Zeitung" သတင်းစာ အကြောင်းကို တင်ဆက်ပေးသွားမှာ ဖြစ်ပါတယ်။ ဂျာမာန် ဘာသာဖြင့် ထုတ်ဝေခဲ့တဲ့ The Avisa ဟာ ပထမဆုံး လူသိများခဲ့သော ပုံနှိပ် ထုတ်ဝေတဲ့ သတင်းစာဖြစ်ခဲ့ပါတယ်။

ပထမဆုံး ထုတ်ခဲ့တဲ့ သတင်းစာမှာပဲ ကမ္ဘာတစ်ဝန်းရှိ နိုင်ငံအများအပြားမှ သတင်း များပါရှိခဲ့ပြီး ထိုသတင်းများအားလုံးဟာ ၁၆၀၉ ခုနှစ် ဇန်နဝါရီလ အထိရရှိထားသော သတင်းများဖြစ်ကြောင်း ဖော်ပြခဲ့ပါတယ်။ ကျွမ်းကျင်သူအများစုက The Avisa ပထမဆုံး ထုတ်ခဲ့သော ရက်ကို ဇန်နဝါရီလ ၁၅ ရက်နေ့လို့ ယူဆကြပါတယ်။ သို့သော် သတင်းစာမှာ ထုတ်ဝေသော ရက်စွဲကို တရားဝင် ဖော်ပြထားခြင်းမရှိပါဘူး။

The Avisa ဟာ ကမ္ဘာပေါ်မှာ ပထမဆုံးထုတ်ဝေခဲ့တဲ့ သတင်းစာ ဖြစ်တာကို ယူဆ ရေးသားတဲ့စာရေးဆရာအချို့ ရှိခဲ့ပါတယ်။ သို့သော် ၁၉၈၀ ပြည့်နှစ်မှ ၂၀၀၅ ခုနှစ်အတွင်းက ပြုလုပ်ခဲ့သော သုတေသန အသစ်များက The Avisa ထက်စောသော အခြား သတင်းစာ ထုတ်ဝေမှုများရှိ ခဲ့တယ်လို့လည်း ဆိုပါတယ်။

source မောင် သာ ရှေးဟောင်းသုတေသန

photo credit pngtree

သတင်းဖော်ပြခွင့်ပေးတဲ့ "မောင် သာ ရှေးဟောင်းသုတေသန"ကို ကျေးဇူးတင်ရှိပါတယ်။