အနှစ်(၃၀)လုံးအလုပ်လုပ်ခဲ့တာကြောင့် အခုလိုနားနေရတဲ့အချိန်မှာ အပြစ်ရှိသလိုခံစားရကြောင်းရင်ဖွင့်လာတဲ့ မကြီးစိုး

မကြီးစိုးလို့အားလုံးက ချစ်စနိုးနဲ့ခေါ်ဝေါ်ကြတဲ့ မင်းသမီးချော စိုးမြတ်သူဇာကတော့ အကယ်ဒမီဆုတွေဆွတ်ခူးထားတဲ့ ဝါရင့်သရုပ်ဆောင်တစ်ဦးပဲ ဖြစ်ပါတယ် ။ နာမည်တစ်လုံးနဲ့ အခိုင်အမာရပ်တည်နေတဲ့ မကြီးစိုးက ရင့်ကျက်တည်ငြိမ်ပြီး အေးချမ်းတဲ့အလှတရားတွေကို ပိုင်ဆိုင်ထားတာ ဖြစ်ပါတယ် ။ မကြီးစိုးက ယနေ့အချိန်အထိ အနုပညာအလုပ်တွေကို ကြိုးစားပမ်းစားလုပ်ကိုင်နေသလို အားလုံးရဲ့လေးစားချစ်ခင်မှုကိုလည်း ရရှိနေတာ ဖြစ်ပါတယ် ။

စိုးညီအစ်မတွေထဲမှာ အကြီးဆုံးဖြစ်တဲ့ မကြီးစိုးက ညီအစ်မတွေနဲ့အတူ ပူးပေါင်းဖွင့်လှစ်ထားတဲ့ ပိုးထည်ဆိုင်လေးကို ဦးစီးလုပ်ကိုင်နေတာလည်း ဖြစ်ပါတယ် ။ မကြီးစိုးက သူမတို့ရဲ့မင်းသမီးပိုးထည်တိုက်က အဝတ်အစားတွေကို ကိုယ်တိုင်ဝတ်ဆင်ပြီး ကြော်ငြာပေးလေ့ရှိတာလည်း ဖြစ်ပါတယ် ။ အခုတော့ မကြီးစိုးက အလုပ်မလုပ်ရတာကြာပြီဖြစ်လို့ သူမအတွက်အရမ်းကိုနေရခက်နေကြောင်း ရေးသားပြောပြထားတာ ဖြစ်ပါတယ် ။

မကြီးစိုးက " နေ့တိုင်း အလုပ်လုပ်ခဲ့တာ အနှစ် (၃၀) လောက်ဆိုတော့ အခု (၃) လလောက် အလုပ်မလုပ်ရတာ အရမ်းပဲအထီးကျန်သလို အရမ်းပဲ အပြစ်တွေရှိနေသလို ဟိုလိုလို ဒီလိုလိုနဲ့ အချိန်တွေကလည်းကုန်တာ မြန်ချက်ဆိုတာ အဲ့တာနဲ့ပဲ နောက် (၂ )လ ဆို (၄၉) ပြည့်ပြီ ဘာတွေလားပဲ စိတ်ညစ်တယ် " ဆိုပြီး ရေးသားမျှဝေထားတာ ဖြစ်ပါတယ်။ ကဲ ချစ်ပရိသတ်တွေအတွက် မကြီးစိုးရဲ့ပုံရိပ်လေးတွေကိုလည်း ပြန်လည်မျှဝေပေးလိုက်ပါတယ်နော်။

Source & Photo Credit-Soe Myat Thuzar's FB Page