အိမ်ရှေ့လေးကိုဆွမ်းခံ ကြွလာတဲ့ သံဃာတော်တွေကို ဆွမ်းလောင်းလှူပြီး ကောင်းမှုကုသိုလ်ယူနေတဲ့ အချစ်တော်လေး ပိုပို

ပရိသတ်ကြီးရေ အဆိုတော်မလေး ပိုပိုကတော့ဂီတနယ်ပယ်မှာ ပရိသတ်တွေရဲ့ ရင်ထဲကိုထိမှန်စေတဲ့ သီချင်းတွေနဲ့ အချစ်တွေကို ချစ်ပိုက်ထားနိုင်ခဲ့တဲ့ အဆိုတော်မလေးပဲဖြစ်ပါတယ်။ သူမရဲ့ သီချင်းတွေကလည်း လူငယ်တွေကြားမှာ ရေပန်းစားခဲ့တဲ့ သီချင်းကောင်းတွေပဲဖြစ်ခဲ့ပါတယ်။ပိုပိုကတော့ ပရိသတ်တွေနဲ့ ခံစားချက်တွေနဲ့ တိုက်ဆိုင်မယ့် သီချင်းသစ်တွေကိုလည်း ဖန်တီးနေတယ်လို့လည်း သိရပါတယ်။

အပင်စိုက်ပျိုးတာကို ဝါသနာပါတဲ့ ပိုပိုကတော့ အားတဲ့အချိန်လေးတွေကို ခြံထဲက မြေလွတ်နေရာတွေမှာဟ စားစရာ သီးပင်၊ စားပင်တွေကို ကိုယ်တိုင်စိုက်ပျိုးနေရရင် ကျေနပ်နေတဲ့သူလေးပဲဖြစ်ပါတယ်။ ဒါ့အပြင် ပိုပိုကတော့ အလှူတန်းတွေမှာ တက်နိုင်သမျှပါဝင်လှူဒါန်းပေးသလို ဘာသာရေးမှာ အထူးကိုင်းရှိုင်းတက်သူပဲဖြစ်ပါတယ်။ ယခုမှာဆိုရင်တော့ ပိုပို က အိမ်ရှေ့လေးကို ဆွမ်းခံကြွလာတဲ့ သံဃာတော်ကို ဆွမ်းလောင်းလှူနေတဲ့ ပုံးရိပ်လေးတွေကို ပရိသတ်တွေ အတွက် တင်ပေးလာခဲ့ပါတယ်။

ဒီ ကြည်နူးစရာ ပုံရိပ်လေးတွေနဲ့လည်း အချစ်တော်လေး ပိုပို က " ယနေ့ ငါးကြင်းနဲ့ မျှစ်ချဉ် ၊ ဂေါဖီကြော် ၊ ငါးချဉ်သုတ် ၊ ဆန် ၂ လုံးနီးပါး ချက်လှူပါတယ်ရှင့် ဒါန ပြီးတော့ ငါးပါးသီလ ဆောက်တည်ပါမယ်...ယနေ့ပြုရ ကုသလ ကြောင့် လူချစ်လူခင်ပေါများပြီးဘေးရန်အသွယ်သွယ်တို့မှ ကင်းဝေးပါရစေဘုရား သူတော်ကောင်းများနဲ့ သာတွေ့ဆုံ၍ စိတ်ချမ်းသာရပါစေဘုရား နောက်ဆုံး ဆုတောင်းကတော့ ဘယ်လောက်ပဲစားစား သွယ်လျသော ခန္ဓာကိုယ်ပိုင်ရှင်ဖြစ်ပါရစေဘုရား " ဆိုပြီး သူမရဲ့ လူမှုကွန်ယက်စာမျက်နှာပေါ်မှာ ရေးသားဖော်ပြထားပါသေးတယ်။

Photo Credit - Po Po

Source - Po Po's Facebook Page