အဆိုတော် နေဝင်းကတော့ နှစ်ပေါင်းများစွာကြာအောင် အတူလက်တွဲခဲ့တဲ့ ချစ်သူကောင်မလေးနဲ့ နှစ်ကိုယ်တူဘဝလေးကို တည်ဆောက်ခဲ့တာ ဖြစ်ပါတယ် ။ ရှိုးပွဲစင်မြင့်ထက်မှာ ချစ်သူကို Surprise လုပ်ကာ လက်ထပ်ခွင့်တောင်းခဲ့တဲ့ နေဝင်းကတော့ ပျော်ရွှင်စရာကောင်းတဲ့ဘဝလေးကို ပိုင်ဆိုင်နေရပြီ ဖြစ်ပါတယ် ။ ပြီးခဲ့လပိုင်းကပဲ နေဝင်းတို့စုံတွဲလေးက နှစ်ဦးသဘောတူ မင်္ဂလာလက်မှတ်ရေးထိုးပြီး လက်ထပ်ခဲ့တာ ဖြစ်ပါတယ် ။
အမှတ်တရနေ့လေးမှာ မင်္ဂလာဆောင်ရန် စီစဥ်ထားခဲ့တဲ့ နေဝင်းတို့ဇနီးမောင်နှံက Covid 19 အခြေအနေကြောင့် မင်္ဂလာပွဲကိုရက်ရွှေ့ခဲ့ရတာပဲ ဖြစ်ပါတယ် ။ ဒီနေ့မှာတော့ နေဝင်းက "Pre Wedding ပုံတွေ ကြည့်ချင်တဲ့သူတွေအတွက် တစ်စုံအမြည်း စိတ်ရှည်လက်ရှည်နဲ့ လှလှလေးတွေရိုက်ပေးတဲ့ @studio a ကိုလည်းကျေးဇူးပါ... မင်္ဂလာဆောင်ခါနီး တစ်ပြုတ်ထပ်တင်အုံးမယ် "ဆိုပြီး သူတို့ဇနီးမောင်နှံရဲ့ပုံလေးတွေကို မျှဝေပေးထားတာ ဖြစ်ပါတယ် ။
ဒါ့အပြင် နေဝင်းရဲ့ချစ်ဇနီးလေး အိမ့်ချစ်ချောကလည်း " Pre wedding ပုံလေးတွေ ထပ်ကြည့်ချင်တဲ့သူတွေအတွက်...ဒါကကိုယ့်အကြိုက် ပန်းရောင်လေး ပန်းရောင်လိုက်ဝတ်ပေးတဲ့ ဦးနေဝင်းကိုလည်း ကျေးဇူးပါ ချောတို့ရဲ့ ရန်ကုန်မှာရိုက်တဲ့ Pre wedding Indoor/ Outdoor ပုံတွေ အကုန်လုံးကို ကူညီပြီး စိတ်တိုင်းကျအောင် လှလှလေးရိုက် ၊ ပြင်ပေးတဲ့ Studio A ကိုလည်းကျေးဇူးအများကြီးတင်ပါတယ် အရမ်းကြိုက်တဲ့ပုံလေးတွေကိုတော့ မင်္ဂလာဆောင်နီးမှထပ်ပြမယ်နော် "ဆိုပြီး တင်ထားပါသေးတယ်။ ကဲ ချစ်ပရိသတ်တွေအတွက် နေဝင်းတို့ဇနီးမောင်နှံရဲ့ Pre Wedding ပုံရိပ်လေးတွေကို ပြန်လည်မျှဝေပေးလိုက်ပါတယ်နော် ။
Source & Photo Credit-Nay Win's FB Page & Travel Kueen's FB Page
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
