ဇာတ်ကားအတွက် ခြိမ်းခြောက်တာတောင် ခံခဲ့ရတဲ့ ခန့်စည်သူ

ခန့်စည်သူကလွန်ခဲ့တဲ့ April လက ရိုက်ကူးပြီးစီးခဲ့သော လယ်သိမ်းခံတောင်သူတွေအကြောင်းရိုက်ကူးထားတဲ့

" နာမည်တွင်ကျန်ရစ်မယ် " ဇာတ်ကားကြီးမှာ လယ်သမားတွေ ရင်ဖွင့်ချင်နေကြတဲ့စကားတွေကို

ရုပ်ရှင်ထဲကကိုယ်စားပြောပေးတဲ့သဘောနဲ့ရိုက်ကူးခြင်းဖြစ်တယ်လို့ဆိုပါတယ် ။

" အဲဒီဇာတ်ကားကကောင်းကျိုးကိုယ်၌တည်စေမင်း လိုမျိုးပါ ။ ခေတ်စနစ်တစ်ခုအပေါ်မှာ သရော်တာတော့မဟုတ်ဘူး ။

လယ်သမားလူတန်းစားကပြောချင်တာကိုသူတို့ကိုယ်စားပြောပေးတဲ့သဘောပါပဲ ။ လယ်တွေယာတွေအသိမ်းခံရတယ် ။

ခရိုနီတွေနဲ့ အရင်လူကြီးဟောင်းတွေပေါင်းပြီး လက်ဝါးချင်းရိုက်ပြီးရောင်းစားသွားတဲ့ အပေါ်မှာ တကယ်ခါးစည်းခံရတာတော့

လယ်သမားတွေပါပဲ ။ ခေတ်အဆက်ဆက် အင်္ဂလိပ်အုပ်စိုးတဲ့ခေတ်လဲရှိခဲ့တယ် ။ လယ်အသိမ်းမခံရဘူး ။ မြေအသိမ်းမခံရဘူး ။

ယာအသိမ်းမခံရဘူး ။ ကိုယ့်နိုင်ငံကိုကိုယ့်လူမျိုးတွေ အုပ်စိုးတဲ့ အချိန်ကျမှပဲ ဒီလယ်တွေယာတွေအသိမ်းခံရတယ် ။ လယ်သမားတွေ

ဒုက္ခရောက်ကြတယ် ။ မျက်နှာကြီးတရားခံတွေဆို ဘယ်လိုရုန်းထွက်လဲဆိုတာ သိနေတာပဲ ။ အခု ဂျာနယ်သမားတွေဆိုလည်းတော်တော်

များများအရေးယူခံရတယ် ။ တောင်သူလယ်သမားတွေဆိုလည်း ထွန်တုံးတိုက်ပွဲလုပ်တဲ့သူတွေ ဘာလက်နက်မှမပါဘဲနဲ့

လက်ထိပ်တင်မကဘူး ခြေထိပ်ပါအခတ်ခံရတယ် ။ ပြောရမယ်ဆို ဒီလိုမျိုးအဖြစ်အပျက်တွေလည်းရှိတယ်ဆိုတာကို သူတို့ကိုယ်စား

ရင်ဖွင့်ပေးတဲ့သဘောပါပဲ " လို့ Popular Journal ကိုဖြေဆိုထားပါတယ် ။

ဒီဇာတ်ကားရိုက်ကူးချိန်မှာ အခက်အခဲတွေလဲရှိသလို ချိန်းခြောက်တာတွေလည်းခံခဲ့ရပါတယ် ။ ပြသာနာဖြေရှင်းဖို့အတွက် အမြဲတန်းပြင်ဆင်ထားရတယ် ။

" ခြိမ်းခြောက်တယ်ဆိုတာ အချို ့ကထင်တာက သူတို့အကြောင်းတွေ ရိုက်ပြတယ်ထင်တာပေါ့ ။ ကျွန်တော်တို့ကတမင်သက်သက်လုပ်ကြံရိုက်ကူးတာဆိုရင်တရားစွဲမယ်ဆိုတဲ့ ပုံစံတွေရှိတာပေါ့ ။ သူတို့အကြောင်းနဲ့ မတူပါဘူး ။ နေပြည်တော်မှာစာတင်ပြီးသွားရိုက်တာပါ ။ ရိုက်ကူးတဲ့ချိန်ကျမှ မခိုင်ကြီးတို့ ဇေရဲထက်တို့ ဖေ့ဘွတ်အကောင့်ကပုံတွေကိုမြင်ပြီး သိသွားကြတယ် ။ ကျွန်တော်တို့ရိုက်ထားတာတွေကိုကြည့်ချင်တယ်တဲ့ ။ ကျွန်တော်တို့အနေနဲ့ကလည်းမပြနိုင်ဘူး ။ ဆင်ဆာရောက်မှ ကြည့်ပေါ့ ။ " လို့ဆိုပါတယ် ။

ထိုဇာတ်ကားထဲမှာ အချို့ စကားလုံးတွေ ကြမ်းကောင်းကြမ်းမှာပေမယ့် လက်ရှိခေတ်အနေအထားမှာဖြစ်ပျက်နေတာတွေကိုဖော်ပြထားတာဖြစ်ပါတယ် ။

ဆင်ဆာလည်းတော်တော်ထိနိုင်တဲ့ အနေအထားမျိုးပါတဲ့ ။ ဒီဇာတ်ကားကို မျက်ခြယ် ထုတ်လုပ်ရေးကစီစဉ်တာဖြစ်ပြီး ခန့်စည်သူ ၊ ဇေရဲထက် ၊ အိချောပို ၊ ထွန်းအိန္ဒြာဗိုလ် တို့ကပါဝင်သရုပ်ဆောင်ထားပါတယ် ။  

သတင်းအရင်းမြစ် Popular Journal