မြန်မာ ယူ -၂၂ အသင်းကိုအဓိကမောင်းနှင်မယ့် ရတနာပုံကွင်းလယ်
မြန်မာယူ -၂၂ အသင်းဟာ မလေးရှားဆီးဂိမ်းမှာရွှေယူဖို့ပစ်မှတ်ထားနေတဲ့အသင်းပါ။စည်သူအောင်ကိုထပ်တိုးရွေးချယ်ခြင်းနဲ့အတူ
ဂတ်ဆီဇီဟာ ယူ -၂၂ကို ရတနာပုံအခြေစိုက်ကွင်းလယ်လူတွေနဲ့အခြေပြုပြီးတည်ဆောက်ကြံရွယ်လာပါတယ်။
ဂတ်ဆီဇီရွေးချယ်ထားတဲ့ရတနာပုံကွင်းလယ်လူ ၄ယောက်ကတော့ စည်သူအောင်၊ရဲရင့်ထွန်း၊မျိုးကိုထွန်းနဲ့လှိုင်းဘိုဘိုပါ။
ဒီနှစ်ရတနာပုံအသင်းရဲ့ အဓိကဒေါက်တိုင်ကစားသမားဖြစ်တဲ့
လှိုင်းဘိုဘိုဟာအကောင်သေးပေမယ့်အဆိပ်ပြင်းတဲ့ကစားသမားပါ။ရဲကိုဦးကိုတောင်ကျော်ပြီးအရွေးခံရလို့လှိုင်းဘိုဘို ဟာ ယူ -၂၂ ရဲ့အဓိကကွင်းလယ်ဗိုလ်ချုပ်ဖြစ်လာဖို့များပါတယ်။
နောက်တစ်ယောက်ကမျိုးကိုထွန်းပါ။သူကတော့ နည်းပြဂတ်ကြိုက်နှစ်သက်တဲ့ ကစားသမားဖြစ်ပြီးနည်းစနစ်ပိုင်းကျွမ်းကျင်သူပါ။
ရှေ့က တိုက်စစ်မှူးအောင်သူနဲ့တွဲကစားဖို့ ရတနာပုံမှာတွဲကစားနေကျမျိုးကိုထွန်းဟာအသင့်တော်ဆုံးပါ။
ရန်နိုင်ထွန်းကတော့ရတနာပုံအသင်းမှာ တစ်ရာသီလုံးခြေစွမ်းပြနေသူ
တစ်ယောက်ဖြစ်ပြီး Box to Box ဆန်ဆန်ကစားသမားပါ။နည်းပြကြီးဂတ်ဟာ ရန်အောင်ကျော်၊တင်ဝင်းအောင်တို့လိုကစားပေါက်မျိုး
ရဖို့ရဲရင့်ထွန်းကိုရွေးခဲ့တာဖြစ်ပါလိမ့်မယ်။ခြေစွမ်းကောင်းမွန်ပေမယ့် နာမည်ကျော်ကွင်းလယ်လူ
ငြိမ်းချမ်းအောင်နဲ့တော့နေရာပြိုင်လုရမယ့်ကိန်းရှိပါတယ်။
စည်သူအောင်ကတော့Line -Up တစ်နေရာသေချာနေတဲ့ကစားသမားဖြစ်ပါတယ်။အတွေ့အကြုံရင့် ပြီး ဂိုးတွေသွင်းတတ်တဲ့စည်သူအောင်ဟာ
လာမယ့်ဆီးဂိမ်းမှာလည်းအောင်သူနဲ့အပြိုင်ယူ -၂၂ရဲ့Icon ကစားသမားတစ်ဦးဖြစ်လာမှာပါ။
ရတနာပုံကွင်းလယ်လူတွေအပြင်မောင်မောင်လွင်၊ရန်နိုင်ဦး၊
ငြိမ်းချမး်အောင်၊ချစ်လှအောင်၊ရန်ပိုင်စိုး၊နန်းဝေမင်းစတဲခြေစွမ်းထက်ကွင်းလယ်ကစားတွေပါဝင်လို့
ယူ-၂၂ရဲ့အလယ်တန်းစုဖွဲ့မှုဟာအားရစရာပါ။
agu
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။