လဲကျချိန်မှာဖေးမခဲ့တဲ့လက်တစ်စုံအကြောင်းပြောပြခဲ့တဲ့စည်သူအောင်
လောကဓံရိုက်ခတ်မှုတွေကြောင့် စည်သူအောင်တစ်ယောက်လဲကျခဲ့ဖူးပါတယ်။အလှကုန်ကုမ္ပဏီတစ်ခုရဲ့ပရိုမိုးရှင်းပွဲကိုခွင့်ပြုချက်မရှိဘဲသွားတက်ခဲ့လို့ မြန်မာ့ဘောလုံးအဖွဲ့ချုပ်စည်းကမ်းထိန်းသိမ်းရေးကနေစည်သူအောင်ကို အရေးယူခဲ့တာပါ။အဲ့ဒီနောက်ပိုင်းအကြောင်းအမျိုးမျိုးကြောင့်စင်ကာပူဆီးဂိမ်းသူရဲကောင်းစည်သူအောင်တစ်ယောက်မြန်မာ့လက်ရွေးစင်အသင်းကနေအကြာပျောက်နေခဲ့တာကိုသတိထားမိကြမှာပါ။
လောကဓံရဲ့ရိုက်ချက်ပြင်းပြင်းတွေကြားမှာစည်သူအောင်တစ်ယောက်စိတ်တွေလေပြီး လမ်းပျောက်သလိုတောင်ဖြစ်သွားခဲ့ပါတယ်။ဒါပေမယ့်ချစ်သူရဲ့ကမ်းလင့်တဲ့လက်တစ်စုံနဲ့စည်သူအောင်လမ်းမှန်ကိုပြန်တက်လာနိုင်ခဲ့ပါတယ်။
"စိတ်ဓာတ်ကျနေလို့ဘာမှမဖြစ်လာဘူး။လေ့ကျင့်မှုတွေပြန်လုပ်တယ်။ထရိန်နင်ပြီးတဲ့အချိန်၊မစခင်အချိန်တွေမှာတစ်ယောက်တည်းပြင်းပြင်းထန်ထန်ပြန်လေ့ကျင့်ခဲ့တယ်။ချစ်သူကလည်းစိတ်ဓာတ်မကျအောင်အားပေးခဲ့တယ်။သူ့ရဲ့အားပေးမှုကြောင့်ကျွန်တော်ဒီအခြေအနေပြန်ဖြစ်လာတာပါ"တဲ့။
ဒါကတော့ ခင်ဗျားတို့အခုမြင်နေရတဲ့မြန်မာအသင်းရဲ့မရှိမဖြစ်ကစားသမားစည်သူအောင်လဲကျနေရာက ဘယ်လိုပြန်ထလာခဲ့သလဲဆိုတဲ့အကြောင်းပါ။
Source-Eleven interview
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။