ချစ်ပရိသတ်ကြီးရေ သရုပ်ဆောင်လည်းကောင်းသလို အဆိုပိုင်းမှာလည်း ပီပြင်ပိုင်နိုင်လွန်းတဲ့ စန္ဒီမြင့်လွင်ကတော့ အိမ်ထောင်ပြုပြီးနောက်ပိုင်းမှာ အနုပညာလှုပ်ရှားမှုတွေကို ဖြည်းဖြည်းနဲ့ မှန်မှန်သာလုပ်ဆောင်နေတာပဲဖြစ်ပါတယ်။ ခင်ပွန်းသည်ရဲ့ အလိုလိုက် ဂရုစိုက်မှုတွေကို အပြည့်အဝရရှိထားတဲ့ စန္ဒီမြင့်လွင်က တစ်နေ့တခြားအလှတွေပိုလာခဲ့ပြီး သူမနဲ့တူတဲ့ သမီးလေးတစ်ယောက်ကိုလည်း မွေးဖွားထားတာကိုလည်း တွေ့ရပါတယ်။
ပါးဖောင်းဖောင်း ဝကစ်ကစ်လေးနဲ့ အသည်းယားအချစ်ပိုစရာကောင်းလွန်းတဲ့ သူမရဲ့ သမီးလေး Treasureကတော့ အခုဆိုရင် အသက် ၁နှစ်ကျော်အရွယ် ရှိနေပြီလည်းဖြစ်ပါတယ်။ Treasureလေးက ဖေဖေ မေမေတို့ရဲ့ အသည်းကျော်လေးဖြစ်ရုံသာမကပဲ ပရိသတ်တွေကလည်း အချစ်ပိုနေကြတာပါနော်။ သမီးလေးရဲ့ လှုပ်ရှားမှုလေးတွေကို မကြာခဏဆိုသလို လူမှုကွန်ယက်စာမျက်နှာထက်မှာ တင်ပေးလေ့ရှိနေတဲ့ မေမေ စန္ဒီမြင့်လွင်က ယခုမှာလည်း ပိုစ့်တစ်ခုတင်ပေးလာခဲ့ပါတယ်။
မေမေစန္ဒီမြင့်လွင်က ၁နှစ်ကျော်အရွယ်ရှိပြီဖြစ်တဲ့ သမီးလေး Treasureရဲ့ မတ်တပ်စမ်းရပ်နေတဲ့ အသည်းယားစရာ ပုံလေးကို တင်ကာ " 3 seconds of standing " ဆိုတဲ့ စာသားလေးကိုလည်း ရေးသားထားတာပဲဖြစ်ပါတယ်။ ဝကစ်ကစ်လေးနဲ့ အသည်းယားစရာကောင်းလွန်းတဲ့ Treasureရဲ့ ပုံလေးတွေကို ကြည့်ပြီး ပရိသတ်တွေ အချစ်ပိုမိစေမှာ အသေအချာပဲမို့ ပြန်လည်တင်ဆက်ပေးလိုက်ပါတယ်နော်...။
Source & Photo credit - Khin Lin Htin - Treasure's FB page
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
