အလိုတော်ပြည့်ဆရာတော်က သူ့ကိုလှူဒါန်းတဲ့ အလှူငွေတွေကိုအိမ်အထိလာပေးတဲ့ အောင်ခိုင်ကြောင့် ပျော်ရွှင်ခဲ့ရတဲ့ဦးဧရာ

ဟာသသရုပ်ဆောင် ဦးဧရာကတော့ အထူးတလည် မိတ်ဆက်ပေးစရာမလိုလောက်အောင် ပရိသတ်တွေနဲ့ရင်းနှီးပြီးသား ဖြစ်ပါတယ်နော်။ ဦးဧရာဟာဆိုရင် ပြောင်မြောက်တဲ့ဟာသပြက်လုံးတွေနဲ့ ပရိသတ်တွေကို ရယ်မောပျော်ရွှင်ရအောင် အကောင်းဆုံး တင်ဆက်ပေးလေ့ရှိတာ ဖြစ်ပါတယ် ။ လူရွှင်တော်အဖြစ်ရော သရုပ်ဆောင်အဖြစ်ပါ လုပ်ကိုင်ခဲ့တဲ့ ဦးဧရာကို အခုချိန်အထိ ပရိသတ်တွေကလည်း အားပေးချစ်ခင်နေကြဆဲ ဖြစ်ပါတယ် ။

ကျန်းမာရေးကြောင့် အနုပညာအလုပ်တွေနဲ့ဝေးကွာခဲ့ရတဲ့ ဦးဧရာက ကိုယ်ပိုင်စီးပွားရေးလုပ်ငန်းအဖြစ် ထီဆိုင်လေးတစ်ဆိုင်ဖွင့်လှစ်ထားတာ ဖြစ်ပါတယ် ။ အနုပညာမောင်နှမတွေကလည်း ဦးဧရာဆီကနေ ထီလက်မှတ်တွေကို ဝယ်ယူအားပေးလေ့ရှိကြတာ ဖြစ်ပါတယ် ။ အခုလည်း ဦးဧရာက သူ့ဆီကို အိမ်တိုင်ရာရောက် အလှူငွေလာပေးတဲ့ ဦးအောင်ခိုင်ကြောင့် ပျော်ရွှင်ခဲ့ရတာ ဖြစ်ပါတယ် ။ဒီအကြောင်းကို ဦးဧရာက "မိုးက တစ်ညလုံးရွာမလိုလိုနဲ့ ပြူတစ်စိန်လုပ်နေလိုက်တာ ဗြန်းကနဲချလိုက် အပီတိတ်သွားလိုက် တဖျောက်ဖျောက်နဲ့သံစဉ်လေးပေးလိုက်လုပ်နေလေရဲ့ အိပ်လို့ကလည်း မပျော်တစ်ချက် ပျော်တစ်ချက်နဲ့ အိပ်မက်ထဲမှာ ငိုရမလိုရယ်ရမလိုနဲ့ပေါ့ "

"ဟော မနက်လည်းမိုးလင်းရော ထီဆိုင်ကို ကိုအောင်ခိုင်ကြီးပေါက်ချလာတယ်လေ အလိုတော်ပြည့်ဆရာတော်ဘုရားကြီးက ကိုလူချောအဖွဲ့နဲ့အမေများ၊ အမများအဖွဲ့တို့ကိုလှူတာတဲ့ အဲ့တာနာမကျန်းဖြစ်နေတဲ့သူတွေလည်းလှူပါဘုရားဆိုပြီး နင့်နာမည်ပါထည့်ပြောလိုက်တယ်တဲ့ ဆရာတော်ကလှူပေးပါဆိုလို့လာလှူတာတဲ့ဗျာ သာဓု သာဓု သာဓုပါ အလိုတော်ပြည့်ဆရာတော်ဘုရားကြီးနဲ့ကိုအောင်ခိုင်တို့ စိတ်နဲ့ခန္ဓာ နှစ်ဖြာသုခပြည့်ဝချမ်းသာပြီး လိုတိုင်းတရနိုင်ကြပါစေဗျာ" ဆိုပြီး ရေးသားမျှဝေထားတာပဲ ဖြစ်ပါတယ်။ ပရိသတ်တွေအတွက် ဦးဧရာရဲ့ပုံရိပ်လေးတွေကိုပါ ပြန်လည်မျှဝေပေးလိုက်ပါတယ်နော် ။

Source & Photo Credit- လူရွှင်တော် ဧရာ's FB Acc