မွေးနေ့ရက်မြတ်လေးမှာ ကျေးဇူးရှင်မိဘနှစ်ပါးရဲ့ခြေရာတွေကိုယူပြီး ရိုရိုသေသေကန်တော့ခဲ့တဲ့ သားလိမ္မာလေးကျော်ထက်အောင်

"Myanmar Idol" သီချင်းဆိုပြိုင်ပွဲကြီးရဲ့ ပင်တိုင် Host တစ်ဦးဖြစ်တဲ့ ကျော်ထက်အောင်ကတော့ သြဇာရှိတဲ့အသံပါဝါမျိုးကို ပိုင်ဆိုင်ထားတာ ဖြစ်ပါတယ် ။ အလုပ်လုပ်တဲ့နေရာမှာ ထက်မြက်သူဖြစ်တဲ့ ကျော်ထက်အောင်က တည်ကြည်ခန့်ညားတဲ့ရုပ်ရည်နဲ့ ပျိုပျိုမေလေးတွေရဲ့ဝန်းရံအားပေးမှုကိုလည်း ရရှိထားတာ ဖြစ်ပါတယ် ။ လက်ရှိမှာတော့ ကျော်ထက်အောင်က သရုပ်ဆောင်တစ်ဦးအဖြစ်ပါ အနုပညာအလုပ်တွေကို ကြိုးစားပမ်းစား လုပ်ကိုင်နေတာပဲ ဖြစ်ပါတယ် ။

ကျော်ထက်အောင်က ကြော်ငြာတွေများစွာရိုက်ကူးနေရသလို ရုပ်ရှင်ဇာတ်ကားကြီးတွေမှာလည်း ခေါင်းဆောင်မင်းသားအဖြစ် ပါဝင်သရုပ်ဆောင်နေရတာ ဖြစ်ပါတယ် ။ အခုဆိုရင် တစ်နေ့တခြားနာမည်ပိုရလာတဲ့ ကျော်ထက်အောင်က သူ့ရဲ့အောင်မြင်မှုတွေကို ဆက်လက်ထိန်းထားနိုင်တာ ဖြစ်ပါတယ် ။ ပြီးခဲ့တဲ့စက်တင်ဘာလ (၁၄)ရက်နေ့လေးကတော့ ကျော်ထက်အောင်ရဲ့မွေးနေ့လေးဖြစ်ပြီး သူ့အနေနဲ့ ကုသိုလ်ကောင်းမှုတွေတစ်ဝကြီး ပြုလုပ်ခဲ့တာ ဖြစ်ပါတယ် ။

အထူးသဖြင့် ကျော်ထက်အောင်က သူ့ကိုမွေးဖွားပေးခဲ့တဲ့ ကျေးဇူးရှင်မိဘနှစ်ပါးရဲ့ခြေရာတွေကိုယူပြီး တရိုတသေကန်တော့ခဲ့တာပဲ ဖြစ်ပါတယ် ။ ကျော်ထက်အောင်က "မနေ့က မွေးနေ့ မနက်ပိုင်းဖြစ်စဉ်လေး" ဆိုပြီး ပီတိဖြစ်စရာကောင်းတဲ့ ပုံရိပ်လေးတွေကို တင်ထားတာပဲ ဖြစ်ပါတယ် ။ ကဲ မွေးနေ့မှာမွန်မြတ်တဲ့ ကုသိုလ်ကောင်းမှုတွေကို ပြုလုပ်ခဲ့တဲ့ မင်းသားကျော်ထက်အောင်ရဲ့ပုံရိပ်လေးတွေကို ချစ်ပရိသတ်တွေအတွက် ပြန်လည်မျှဝေပေးလိုက်ပါတယ်နော်။

Source & Photo Credit-Kyaw Htet Aung's FB Acc