ဒီကနေ့မှာပဲ ကွယ်လွန်သွားတဲ့ ဟာသလူရွှင်တော်ကြီး ဦးပလာတာရဲ့ ဈာပနအခမ်းအနား

ပရိသတ်ကြီးရေ.. မရိုးနိုင်တဲ့ ရယ်စရာဟာသပြက်လုံးတွေနဲ့ ပရိသတ်တွေရဲ့ စိတ်ထဲက ဘဝအမောတွေကို ပြေပျောက်စေတဲ့ ဟာသလူရွှင်တော်ကြီး ဦးပလာတာကိုတော့ အားလုံးပဲ သိကြမှာပါနော်..။

်ရုပ်ရှင်ဇာတ်ကားတွေလည်း ရိုက်ကူးထားသလို ဇာတ်စင်မြင့်တွေထက်မှာလည်း ပြက်လုံးတွေနဲ့ ပရိသတ်တွေကို ရယ်မောပျော်ရွှင်စေခဲ့တဲ့ ဦးပလာတာကတော့ ဒီကနေ့မှာပဲ ကွယ်လွန်သွားခဲ့ပါပြီနော်..။

ရုပ်ရှင်နှင့် ဗီဒီယို သရုပ်ဆောင်ဟာသ လူရွှင်တော်ကြီး ဦးနေဝင်း(ခ) ဦးပလာတာ အသက် (၉၀)နှစ်ဟာ ဒီကနေ့ နံနက်(၂း၀၀)နာရီက ၉၆ ပါးရောဂါနဲ့ ရန်ကုန်မြို့၊ ပန်းဘဲတန်းမြို့နယ်၊ (၂၆)လမ်းရှိ နေအိမ်မှာပဲ ကွယ်လွန်သွားခဲ့တာ ဖြစ်ပါတယ်..။

ဒီကနေ့မနက်ပိုင်းမှာပဲ ကွယ်လွန်သွားတဲ့ ဦးပလာတာရဲ့ ကျန်ရစ်သော ရုပ်ခန္ဓာကို နေအိမ်မှ ရေဝေးသုသာန်သို့ နာရေးကူညီမှုအသင်း(ရန်ကုန်)မှ အသင်းသားများက ပို့ဆောင်ပေးခဲ့ပြီး ဈာပနအခမ်းအနားကိုတော့ နေ့လည် (၃း၀၀)နာရီက ရေဝေးသုသာန်မှာ တိုက်ရိုက်မီးသဂြိုလ်ကာ ကျင်းပပြုလုပ်ခဲ့ပါတယ်..။

ဟာသလူရွှင်တော်ကြီး ဦးပလာတာရဲ့ နောက်ဆုံးဈာပနခရီးလေးကိုတောင် Covid ရောဂါအခြေအနေတွေကြောင့် လိုက်ပါမပို့ဆောင်ပေးနိုင်ကြလို့ ပရိသတ်တွေနဲ့ အနုပညာရှင်တွေကလည်း စိတ်မကောင်းနေကြပါတယ်နော်..။

ဒီကနေ့လေးမှာ ကွယ်လွန်သွားတဲ့ ဦးပလာတာရဲ့ နောက်ဆုံးခရီးလေးဖြစ်တဲ့ ဈာပနအခမ်းအနားပုံရိပ်လေးတွေကိုလည်း တင်ဆက်မျှဝေပေးလိုက်ပါတယ်နော်..။

Source & Photo Credit - နာရေးကူညီမှုအသင်း(ရန်ကုန်) Fb Page