Covid 19ရောဂါ ခံစားနေရတဲ့ ဝေဒနာရှင်များအတွက် ဒုတိယအကြိမ် သွေးရည်ကြည် လှူဒါန်းပေးခဲ့တဲ့ အဆိုတော် နီတာ

ပရိသတ်ကြီးရေ အဆိုတော်နီတာက ဂီတလောကမှာ အောင်မြင်မှုတွေ ရယူသိမ်းပိုက်ထားပြီး အကောင်းဆုံးလျှောက်လှမ်းနေတဲ့ သူပဲဖြစ်ပါတယ်။ နီတာရဲ့ သီချင်းတွေကလည်း လူငယ်တွေကြားမှာ ရေပန်းစားကြိုက်နှစ်သက်ခဲ့ရတဲ့ သီချင်းကောင်းတွေပဲဖြစ်ပါတယ်။ လက်ရှိမှာတော့ အနုပညာအလုပ်တွေကိုလည်း ဖြည်းဖြည်းမှန်မှန် နဲ့သာလုပ်ကိုင်နေတာကိုလည်း တွေ့ရပါတယ်။

နီတာဟာ မြန်မာနိုင်ငံမှာ Covid-19 ရောဂါ First Wave တုန်းက ရောဂါကူးစက် ခံထားခဲ့ရပြီး ဝေဘာဂီ ဆေးရုံကြီးမှာ ဆေးကုသမှုခံယူခဲ့ရပါတယ်။ ယင်းနောက် ကျန်းမာရေး ဝန်ထမ်းများရဲ့ စိတ်စေတနာအပြည့်နဲ့ ကုသပေးမှုကြောင့် ရောဂါပျောက်ကင်းခဲ့ပါတယ်။ ဒါ့အပြင် နီတာဟာ Covid 19 ရောဂါခံစားသူတွေအတွက် ကုသပေးဖို့ သူ့ရဲ့ သွေးရည်ကြည် လှူဒါန်းပေးခဲ့ပါတယ်။

ယခုမှာလည်း နီတာ က ပရိသတ်တွေ ကြည်နူးပီတိ ဖြစ်လောက်မယ့် အလှူပုံရိပ်လေးတွေကို တင်ပေးလာခဲ့ပါတယ်။ ဒီအလှူလေးကတော့ နီတာဟာ ဒုတိအကြိမ်အဖြစ် Covid 19 ရောဂါခံစားနေရတဲ့ သူတွေအတွက် သွေးရည်ကြည်များကို ထပ်မံလှူဒါန်းပေးခဲ့တဲ့ ပုံရိပ်လေးတွေပဲဖြစ်ပါတယ်။ ချစ်ပရိသတ်တွေလည်း နိုင်ငံနဲ့ လူမျိုးအတွက် တစ်ထောင့်တစ်နေရာကနေ ကူညီပါဝင်ခဲ့တဲ့ အဆိုတော် နီတာကို ဆုမွန်ကောင်းလေးတောင်းပေးလိုက်ပါဦးနော်...။

Photo Credit - Ni Tar Vocalist's Facebook Page

Source - Ni Tar Vocalist's Facebook Page