မုန်းစွဲဇာတ်ကားနောက်ကွယ်က နေတိုး၊ဖွေးဖွေးတို့အနုပညာမောင်နှမနဲ့ အမှတ်တရပုံရိပ်လေးတွေကိုထုတ်ပြလိုက်တဲ့ မအေးသောင်း

မင်းသမီးချောလေး မအေးသောင်းကတော့ ချောမောလှပတဲ့ရုပ်ရည်လေးနဲ့အတူ အချိုးအစားပြေပြစ်တဲ့ ခန္ဓာကိုယ်လေးကိုပါ ပိုင်ဆိုင်ထားတာ ဖြစ်ပါတယ် ။ မအေးသောင်းအနေနဲ့ VCD ခေတ်ကတည်းက သီချင်းဗီဒီယိုလေးတွေမှာ ပါဝင်သရုပ်ဆောင်ခဲ့ပြီး ပရိသတ်တွေကြားမှာ ရေပန်းစားအောင်မြင်ခဲ့တာလည်း ဖြစ်ပါတယ် ။ လတ်တလောမှာဆိုရင် မအေးသောင်းက ကြော်ငြာတွေ၊ ရုပ်ရှင်ဇာတ်ကားကြီးတွေနဲ့ ဇာတ်လမ်းတွဲတွေမှာလည်း ပါဝင်သရုပ်ဆောင်နေတာ ဖြစ်ပါတယ် ။

တစ်နေ့တခြားဆိုသလို ပိုပိုပြီး အလှတွေတိုးလာတဲ့ မအေးသောင်းက အမြဲတမ်းအရွယ်တင်နုပျိုနေတာလည်း ဖြစ်ပါတယ်။ လက်ရှိ Stay Home ကာလမှာတော့ မအေးသောင်းက သူမရဲ့လှုပ်ရှားမှုလေးတွေကို လူမှုကွန်ယက်စာမျက်နှာကတစ်ဆင့် မျှဝေပေးနေတာ ဖြစ်ပါတယ် ။ အခုလည်း မအေးသောင်းက အရမ်းအောင်မြင်ခဲ့တဲ့ " မုန်းစွဲ" ရုပ်ရှင်ဇာတ်ကားကြီးရဲ့နောက်ကွယ်က ရိုက်ကွင်းပုံလေးတွေကို တင်ပေးထားတာ ဖြစ်ပါတယ် ။

မအေးသောင်းက "ဘယ်ကားထဲကပုံလေးတွေလဲ ဖြေပါ။ သိချင်တဲ့မေးခွန်းလေးတွေရှိရင်လည်းမေးခဲ့ပါနော်။ Live လွှင့်ပြီး ပြန်ဖြေပေးပါ့မယ်ရှင့်။ အိမ်မှာပျင်းနေမှာစိုးလို့ ။ မနက်ဖြန်ည 7:00 live မယ်နော်။ ကျန်းမာပါစေ အမျိုးတို့ရေ " ဆိုပြီး ပုံလေးတွေနဲ့အတူ မျှဝေပေးထားတာ ဖြစ်ပါတယ် ။ သရုပ်ဆောင်ကောင်းတဲ့ မအေးသောင်းကတော့ "မုန်းစွဲ" ရုပ်ရှင်ဇာတ်ကားကြီးနဲ့ အကယ်ဒမီဆုအတွက် ထင်ကြေးပေးခြင်းခံခဲ့ရတာလည်း ဖြစ်ပါတယ် ။ ကဲ ချစ်ပရိသတ်တွေအတွက် မင်းသမီးချော မအေးသောင်းနဲ့ အနုပညာမောင်နှမတွေရဲ့ပုံရိပ်လေးတွေကို ပြန်လည်မျှဝေပေးလိုက်ပါတယ်နော် ။

Source & Photo Credit-Aye Wuttyi Thaung's FB Page