ကိုဗစ်ကာကွယ်ထိန်းချုပ်ရေးတွေကို လုပ်ကိုင်လာခဲ့တာ (၆)လပြည့်တဲ့နေ့လေးမှာ အောင်သော်နဲ့စကားလက်ဆုံကျခဲ့တဲ့ ဝေဠုကျော်

ပြည်သူချစ်အနုပညာရှင်တစ်ဦးဖြစ်တဲ့ ဝေဠုကျော်ကတော့ ပရဟိတလုပ်ငန်းတွေကို ကြိုးစားပမ်းစား လုပ်ကိုင်နေသူပဲ ဖြစ်ပါတယ် ။ ဝေဠုကျော်က အနုပညာအလုပ်တွေကိုရပ်နားထားခဲ့တာ အချိန်အတော်ကြာရှိနေပြီလည်း ဖြစ်ပါတယ် ။ ဝေဠုကျော်ဖောင်ဒေးရှင်းကိုပါ တည်ထောင်ပြီး အများအကျိုးကို သယ်ပိုးနေတဲ့ ဝေဠုကျော်ကို ပရိသတ်တွေကလည်း လေးစားချစ်ခင်နေရတာ ဖြစ်ပါတယ် ။ အခုလို Covid ကာလမှာလည်း ဝေဠုကျော်က လူနာတင်ကားကိုပါသူကိုယ်တိုင်မောင်းပြီး ကူညီဆောင်ရွက်ပေးနေတာ ဖြစ်ပါတယ် ။

အခုတော့ ဝေဠုကျော်က သူ့လိုပဲ အများအကျိုးသယ်ပိုးနေတဲ့ လူရွှင်တော်အောင်သော်နဲ့တွေ့ဆုံတုန်းမှာ စကားလက်ဆုံကျခဲ့တာ ဖြစ်ပါတယ် ။ ဝေဠုကျော်က "(၆)လတိတိရှိခဲ့ပြီ ​ကျွန်​တော်တို့တွေ ကိုဗစ်ကာကွယ်ထိန်းချုပ်​ရေးအတွက် တိုင်းကျန်းမာ​ရေးရဲ့ကွပ်ကဲမှုနဲ့အတူနိုင်သ၍ ဝိုင်းကူခဲ့တာ (၆)လပြည့်တဲ့ညမှာ ထမင်းတူတူ စားဖြစ်ပြန်တယ်။ (၆)လအတွင်းမှာ ဒုတိယအကြိမ်​ပေါ့ စခန်းနေရာက တ​စ်နေရာစီဆို​တော့ ကျန်တဲ့အချိန်​တွေမှာ​တွေ့ဖြစ်ကြ​ပေမယ့် အလုပ်ကိုယ်စီနဲ့ ​အ​ပြေးအလွှားကူ​နေကြရ​တော့ စကား​တောင်​အေး​ဆေး သိပ်မ​ပြောဖြစ်ကြဘူး။ အခုလည်း (၆) လပြည့်တာ သူသိလို့လာတာမဟုတ်ပါဘူး လမ်းကြုံလို့ ကျွန်​တော်တို့စခန်းမှာ PPE ဝင်ချွတ်ရင်း ညစာ အတူစားဖြစ်ရင်းမှ တို့ကူ​နေတာ (၆)လပြည့်ပြီဆိုတာ သတိရကြတာပါ"

"တွေ့​တော့လည်း ကိုဗစ်အ​​တွေ့ ကြုံ​တွေထဲက ရယ်စရာ မောစရာအဖြစ်ပျက်​တွေကို ​ပြန်ပြောရင်း ခဏတာ အ​​မောတွေ​ပြေခဲ့ရတာ​ပေါ့ ....ညီ​ရေ တို့တွေလိုပဲ နိုင်သ၍ကူ​​နေကြတဲ့သူ​တွေအများကြီးပါ။ အဲ့ဒီထဲမှာ တို့​တွေလည်း အပါဝင်​ပေါ့ အားလုံးလည်း ပန်း​နေကြပြီ တစ်ချို့တွေဆို Q ဝင်ကြရတဲ့ သူ​တွေ P+ ဖြစ်လို့ ကုသမှုခံယူရတဲ့သူ​တွေပါရှိလာပြီ​လေ တို့နှစ်​ယောက်လည်း တစ်ချိန်မှာ​တော့ Q နဲ့ P+ တခုခု​တော့ထိလာနိုင်တယ် အခုလိုတွေ့ဖို့ဆိုတာ ​နောက်ရှိချင်မှရှိမှာ အစစဂရုစိုက်ပါညီ ...အားလုံးကို ​လေးစားတန်ဖိုးထားလျှက် ​ဝေဠု​ကျော် ခေတ္တ (သံလွင်​ဆောင်ကျိုက္ကဆံကွင်း)အများနည်းတူကိုယ်လည်းကူ(ဘာ​တွေ​ပြောပြီးရယ်ခဲ့ကြတယ်ဆိုတာ ဆက်လက်​ရေးသားပါဦးမည် )" ဆိုပြီး ရေးသားမျှဝေခဲ့တာပဲ ဖြစ်ပါတယ် ။

Source & Photo Credit-Wai Lu Kyaw's FB Page