ပြည်သူချစ်အနုပညာရှင်တစ်ယောက်ဖြစ်တဲ့ အဆိုတော်၊သရုပ်ဆောင် Jennyကတော့ ဟိုးအရင်ကတည်းက ဗီဒီယိုဇာတ်ကားတွေအများအပြားမှာပါဝင်သရုပ်ဆောင်ခဲ့ပြီး သီချင်းလေးတွေဆိုခဲ့တဲ့သူဖြစ်ပါတယ်နော်။Jennyက မြန်မာအကကိုလည်း ကျွမ်းကျင်ပိုင်နိုင်စွာ ကတတ်လို့ အငြိမ့်တွေမှာလည်း ဖျော်ဖြေတဲ့သူဖြစ်ပါတယ်။အနုပညာနဲ့ပတ်သက်ရင် ဘက်စုံထူးချွန်တဲ့ Jennyကို ပရိသတ်တွေက အခိုင်အမာအားပေးနေကြတာဖြစ်ပါတယ်နော်။
Jennyက လက်ရှိမှာဆိုရင်လည်း အနုပညာအလုပ်တွေကို ဖြည်းဖြည်းမှန်မှန်လုပ်ဆောင်နေဆဲဖြစ်ပြီး သီချင်းအသစ်တွေကိုလည်း ဆက်လက်လုပ်ဆောင်လျက်ရှိပါတယ်။Jennyက အဆိုတော်၊ဒါရိုက်တာယုန်လေးနဲ့လည်း မောင်နှမအရင်းတွေလို ခင်မင်ရင်းနှီးပြီး အနုပညာအလုပ်တွေ အတူတူတွဲလုပ်ကြပါတယ်နော်။ယုန်လေးကလည်း အလှူအတန်းဆိုရင် တတ်နိုင်သလောက်လှူဒါန်းနေတဲ့အပြင် စိတ်သဘောထားပြည့်ဝလို့ မိတ်ဆွေသူငယ်ချင်းတွေက ခင်မင်ရင်းနှီးနေရတာဖြစ်ပါတယ်။
မကြာသေးခင်ကလည်း ယုန်လေးက လမ်းပေါ်မှာတွေ့တဲ့သူမှန်သမျှကို ထီလက်မှတ်နဲ့ငွေကြေးလေးကို လိုက်ဝေခဲ့ပြီး ခင်မင်ရတဲ့ အနုပညာညီအစ်ကိုမောင်နှမတွေကို Challengeခေါ်ခဲ့တာဖြစ်ပါတယ်။အဲ့ဒီChallengeကို Jennyကလက်ခံပြီး မေမေနဲ့အတူ ထီလက်မှတ်တွေနဲ့ပိုက်ဆံကို လိုက်လံလှူဒါန်းခဲ့တာဖြစ်ပါတယ်။Jennyတို့သားအမိနှစ်ယောက်ရဲ့ ကုသိုလ်ပြုတာလေးက ကြည်နူးပီတိဖြစ်စရာကောင်းတာကြောင့် ပရိသတ်ကြီးအတွက် ပြန်လည်မျှဝေပေးလိုက်ပါတယ်နော်။
Source&Photo Credit:Jenny's Facebook Account
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။