မနေ့က အောက်တိုဘာလ 9 ရက်နေ့မှာတော့ Floridaအမေရိကန်နိုင်ငံ ပြည်နယ် မှာ မြန်မာ့စပါးအုံးမြွေကြီး တစ်ကောင်ဖမ်းမိခဲ့ပါတယ်။
ဒီမြွေကြီးကိုဖမ်းမိခဲ့တာကတော့ Miami ရဲ့ အနောက်ဘက် 35 မိုင်အကွာမှာရှိတဲ့ Everglades က L-28 canal အနီးမှာပဲ ဖြစ်ပါတယ်။
သူတို့ဖမ်းမိခဲ့တဲ့ ဒီမြွေကြီးဟာ 18.9 ft ရှည်လျားပြီး Florida မှာဖမ်းမိတဲ့ အရှည်ဆုံးမြွေကြီးအဖြစ် မှတ်တမ်းဝင်ခဲ့ပါတယ်။
ဒီမြွေကြီးကို ဖမ်းမိခဲ့တဲ့ လူနှစ်ဦးဟာ လက်ဗလာနဲ့ ဖမ်းဆီးခဲ့တာဖြစ်တာကြောင့် တော်တော်လေးကို ခက်ခက်ခဲခဲ ဖမ်းဆီးခဲ့ရပါတယ်။
သူတို့ထဲကတစ်ဦးဟာ မြွေကြီးနဲ့အတူ လုံးထွေးနေရင်း ခန္ဓာကိုယ်ကိုရစ်ပတ်ထားတဲ့ မြွေကြီးလက်ကနေ ဘေးကသူငယ်ချင်းအကူအညီနဲ့ မနည်းရုံးထွက်ခဲ့ရပြီးမှသာ မြွေကြီးကို အောင်အောင်မြင်မြင်ဖမ်းဆီးနိုင်ခဲ့တာဖြစ်ပါတယ်။
ပရိသတ်တွေကြည့်ရှုနိုင်စေဖို့အတွက် 18.9 ft ရှည်လျားတဲ့ မြန်မာ့စပါးအုံးမြွေကြီးကို ဖမ်းဆီးနေတဲ့ ဗီဒီယိုဖိုင်လေးကိုပါ ထည့်သွင်းဖော်ပြပေးလိုက်ပါတယ်။
Source-Dailymail
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
