ဥရောပအခြေစိုက်ကစားသမားတွေပါဝင်လာတဲ့သြစတေးလျယူ-၂၃
မြန်မာနိုင်ငံမှာကျင်းပမယ့်အာရှယူ-၂၃ခြေစစ်ပွဲကိုလာရောက်ယှဉ်ပြိုင်မယ့်သြစတေးလျအသင်းမှာ ဥရောပအခြေစိုက်ကစားသမားတွေပါဝင်လာခဲ့ပါတယ်။
ပရီးမီးယားလိဂ်ကလပ်စပါး ဂိုးသမား သောမတ်စ် ဂလိုဗာ၊ အင်္ဂလန်လိဂ်-၂ မှ မိုကမ်ဘီအသင်း ဂိုးသမား ဒယ်နီရယ် နီဇစ်၊ ဂျာမန် ဘန်ဒက်စ်လီဂါ (၂)ကလပ် အိမ့်ထရက်ချ် အသင်းမှ တိုက်စစ်မှူး မီလိုဆလပ် ပိုပိုဗစ်၊ နယ်သာလန် NEC ကလပ်မှ စတီဖင် မာခ့်၊ ဒိန်းမတ်ကလပ် မစ်ဂျီလန် အသင်းမှ တိုက်စစ်မှူး မာဘီလ် တို့ပါဝင်လာကြပြီးအခြားကစားတွေကတော့ သြစတေးလျA -League အခြေစိုက်ကစားသမားတွေပါ။
မြန်မာအသင်းဟာ ၂၀၁၆ခြေစစ်ပွဲမှာလည်းသြစတေးလျကိုဂိုးပြတ်ရှုံးနိမ့်မှုနဲ့အတူခြေစစ်ပွဲမအောင်ခဲ့ပါဘူး။အခု၂၀၁၈ အာရှခြေစစ်ပွဲမှာလည်းသြစတေးလျဟာ မြန်မာအတွက်ခက်ခဲတဲ့ပြိုင်ဘက်အဖြစ်ရှိနေဦးမှာပါ။
မြန်မာအသင်းခြေစစ်ပွဲအောင်ချင်တယ်ဆိုရင်တော့ စင်ကာပူ၊ဘရူနိုင်းတို့နဲ့ကစားရမယ့်ရှေ့ပွဲစဉ်၂ပွဲကိုအနိုင်ကစားထားရပါမယ်။မြန်မာအသင်းပါဝင်လာမယ့်အာရှခြေစစ်ပွဲတွေကိုတော့ ၁၉ ဇူလိုင်ကနေစပြိး၂၃ ဇူလို်င်အထိသုဝဏ္ဏကွင်းမှာကျင်းပသွားမှာပါ။
source-MFF
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
