သစ်တံခါးဆရာတော်ဘုရားကြီးရဲ့ လမ်းညွှန်မှုဖြင့် ဆွမ်း သစ်သီး သောက်တော်ရေများကပ်ကာ ကုသိုလ်ပြုခဲ့တဲ့စမိုင်းလ်

စမိုင်းလ်ကတော့ တစ်ခေတ်တစ်ခါက အောင်မြင်ခဲ့တဲ့ အနုပညာရှင်တစ်ယောက်ဖြစ်ပြီး ပါဝင်တဲ့ ဇာတ်ကားတိုင်းမှာ အကောင်းဆုံးသရုပ်ဆောင်နိုင်ခဲ့တဲ့ အနုပညာရှင်တစ်ယောက်ပဲ ဖြစ်ပါတယ်။ အနုပညာအလုပ်တွေကို ဆက်လက်လုပ်ကိုင်လျက်ရှိနေခဲ့တဲ့ သူမကတော့ ကြည်နူးစရာကောင်းလွန်းတဲ့ မိသားစုဘဝလေးကို ဖန်တီးတည်ဆောက်ထားနိုင်သူလေးဖြစ်ပြီး ချစ်စရာကောင်းတဲ့ သမီးလေးနှစ်ယောက်ကို ပိုင်ဆိုင်ထားနိုင်ခဲ့တဲ့ အနုပညာရှင်တစ်ယောက်ပဲ ဖြစ်ပါတယ်။

သူမတို့ မိသားစုလေးကတော့ အလှူအတန်းတွေမှာ လက်မနှေးဘဲ လှူတန်းတတ်တာကြောင့် ပရိသတ်တွေရဲ့ ချစ်ခင်အားပေးမှုကို အပြည့်အဝရရှိထားသူတွေပဲဖြစ်ပါတယ်။ မကြာခဏဆိုသလို အလှူအတန်းတွေ ပရဟိတလုပ်ငန်းတွေကိုလည်း ကိုယ်တိုင်လုပ်လေ့ရှိသူလေးလည်းဖြစ်ပါတယ်။ 

အခုလည်း သီတင်းကျွတ်လပြည့်နေ့လေးမှာ ကုသိုလ်ကောင်းမှုတွေပြုလုပ်နေတဲ့ ပုံလေးတွေနဲ့အတူ "သီတင်းကျွတ်လပြည့်နေတွင် သစ်တံခါးဆရာတော်ဘုရားကြီး၏လမ်းညွုန်မှုဖြင့် သစ်သီး ၂၄လုံး ဆွမ်း ၂၄ပွဲ သောက်တော်ရေ ၂၄ခွက် ဆီမီး ၂၄တိုင် ပန်း ၂၄ပွင့် တို့ကိုမြတ်စွာဘုရားအားဆပ်ကပ်လှူဒါန်းပြီး ဥပုသ်သီလစောင့်တည်ကာ ပဌာန်း ၂၄ခေါက်ရွတ်ဖတ်ပူဇော်ပါမည်ဘုရား" ဆိုတဲ့စာလေးကိုဖော်ပြခဲ့ရာ ပရိသတ်ကြီးလည်း သာဓုခေါ်နိုင်စေရန် မျှဝေပေးလိုက်ပါတယ် 

Source & Photo Credit : Smile Facebook Page