မိုလ်ဆူးမြို့ရှိ ISလက်ကျန်တပ်ဖွဲ့များကိုဆက်လက်ရှင်းလင်း

မိုလ်ဆူးမြို့ရှိ ISလက်ကျန်တပ်ဖွဲ့များကိုဆက်လက်ရှင်းလင်း

အီရတ်နိုင်ငံမိုလ်ဆူးမြို့ကိုသိမ်းပိုက်နိုင်ခဲ့ပြီလို့ကြေငြာခဲ့ပေမယ့် အီရတ်တပ်ဖွဲ့ဝင်တွေဟာ လက်ကျန်စစ်သွေးကြွISတပ်ဖွဲ့ဝင်တွေကိုပိုက်စိတ်တိုက်ရှာဖွေနေတုန်းပါ ၂၀၁၄ခုနှစ်ကတည်းကအစ္စလာမ္မစ်နိုင်ငံများ စစ်သွေးကြွအဖွဲ့ISကမိုလ်ဆူးမြို့ကိုသိမ်းပိုက်ထားခဲ့တာပါ

အီရတ်တပ်ဖွဲ့ဝင်များနှင့်အမေရိကန်ဦးဆောင်တဲ့ညွှန့်ပေါင်းတပ်ဖွဲ့တွေကလည်းလေကြောင်းကနေပစ်မှတ်ထားတိုက်ခိုက်ကူညီခဲ့တာပါ အခုဆိုရင် အသေခံဗုံးခွဲဝတ်စုံများဝတ်ဆင်ပြီးနေအိမ်များအတွင်းပုန်းအောင်းနေတဲ့ စစ်သွေးကြွတွေကို အိမ်တွေထဲထိစီးနင်းရှာဖွေနေရတဲ့ ဒီနောက်ဆုံးအဆင့်တိုက်ပွဲဟာ အပြင်းထန်ဆုံးပါပဲလို့အီရတ်တပ်ဖွဲ့ဝင်များကပြောပါတယ်

ISတပ်ဖွဲ့ဝင်၁ဝဝနဲ့၁၅ဝကြားကျန်နေဦးမယ်ခန့်မှန်းပြီး သူတို့ဟာစတုရန်းမီတာ၂ဝဝလောက်အတွင်းမှာပဲအီရတ်တပ်ဖွဲ့တွေရဲ့ပိတ်ဆို့ခြင်းခံထားရပါတယ် ရက်ပိုင်းအတွင်းမှာတိုက်ပွဲပြီးဆုံးမယ်လို့ခန့်မှန်းထားပါတယ် အီရတ်တပ်ဖွဲ့ဝင်တွေနဲ့ ညွှန့်ပေါင်းတပ်တွေဟာ ပြီးခဲ့တဲ့နှစ်အောက်တိုဘာကတည်းက မိုလ်ဆူးမြို့ကိုပြန်လည်သိမ်းပိုက်နိုင်ဖို့ကြိုးစားခဲ့တာပါ

သတင်းအရင်းမြစ် BBC News