ဖိလစ်ပိုင် Cat Walk King လို့အားလုံးကအသိအမှတ်ပြုထားကြတဲ့ Sinon Loresca ကတော့ မြန်မာပရိသတ်တွေနဲ့ အတော်လေးရင်းနှီးနေတဲ့သူ ဖြစ်ပါတယ် ။ Sinon က အလုပ်ကိစ္စနဲ့မြန်မာပြည်ကို လာရောက်ရင်းကနေ တဖြည်းဖြည်းနဲ့ အချိန်အတော်ကြာအောင် နေထိုင်လာခဲ့တာ ဖြစ်ပါတယ် ။ အခုဆိုရင် Sinon က ကြော်ငြာတွေလည်းရိုက်ကူးနေရသလို ရုပ်ရှင်ဇာတ်ကားကြီးမှာပါ ပါဝင်သရုပ်ဆောင်ခဲ့ရတာ ဖြစ်ပါတယ် ။
Sinon က ကြင်နာသနားတတ်တဲ့စိတ်ထားကောင်းရှိသူလည်းဖြစ်ပြီး အလှူအတန်းနဲ့ပတ်သက်ရင် အင်မတန်ရက်ရောလေ့ရှိတာ ဖြစ်ပါတယ် ။ ဒါကြောင့်လည်း မြန်မာပြည်မှာရှိတဲ့ပရိသတ်တွေက Sinon ကို လေးစားချစ်ခင်ပြီး ဝန်းရံအားပေးနေကြတာ ဖြစ်ပါတယ် ။ အခုလည်း Sinon က ခေါင်မိုးပေါ်တက်ကာ အမိုက်စား Shooting တစ်ခုကိုရိုက်ကူးရင်း အလွဲတွေဖြစ်ခဲ့ရတဲ့ သူ့ရဲ့ဗီဒီယိုလေးကို မျှဝေပေးလိုက်တာပဲ ဖြစ်ပါတယ် ။
Sinon က နေခြစ်ခြစ်တောက်ပူနေတဲ့အချိန်ကြီးမှာ ခေါင်မိုးပေါ်တက်ပြီး စတိုင်လ်အပြည့်နဲ့ထိုင်ကာ ဓာတ်ဖမ်းခဲ့တာပဲ ဖြစ်ပါတယ် ။ Underwear လေးသာဝတ်ထားတဲ့ Sinon ကတော့ ခေါင်မိုးရဲ့အပူရှိန်ကြောင့် အရမ်းပူလွန်းလို့အော်ပြီး တလိမ့်လိမ့်နဲ့ ပြန်ဆင်းခဲ့ရတာလည်း ဖြစ်ပါတယ် ။ ကဲ အလွဲလွဲအချော်ချော်တွေဖြစ်ပြီး အူတက်အောင်ခွီနေရတဲ့ Sinon Loresca ရဲ့Tik Tok ဗီဒီယိုလေးကို ပြန်လည်မျှဝေပေးလိုက်ပါတယ်နော် ။
Source & Video Credit-Sinon Loresca's Tik Tok Acc
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။