ချစ်ခင်ပွန်းပြောလိုက်တဲ့စကားတစ်ခွန်းကြောင့် ချက်ချင်းစိတ်ကောက်သွားရပြီး မျက်စောင်းကိုဒိုင်းခနဲထိုးရင်း ကျောခိုင်းပစ်လိုက်တဲ့သုသု

မင်းသမီးချောလေး ပိုင်ဖြိုးသုကတော့ ဒါရိုက်တာဏကြီးနဲ့ ထိမ်းမြားလက်ထပ်ပြီး သာယာချမ်းမြေ့တဲ့အိမ်ထောင်သည်ဘဝလေးကို တည်ဆောက်ခဲ့တာ ဖြစ်ပါတယ် ။ ဏကြီးနဲ့ ပိုင်ဖြိုးသုတို့ဇနီးမောင်နှံက အနုပညာအလုပ်တွေကို အတူလက်တွဲကာလုပ်ကိုင်ရင်း အောင်မြင်မှုတွေကိုယ်စီရရှိနေကြတာ ဖြစ်ပါတယ် ။ ဇနီးမောင်နှံဘဝမှာ စစနောက်နောက်နဲ့ အပြန်အလှန်ကျီစယ်နေကြတဲ့ ပိုင်ဖြိုးသုတို့စုံတွဲလေးကိုကြည့်ပြီး ပရိသတ်တွေကလည်း အားကျနေကြတာ ဖြစ်ပါတယ် ။

အခုလည်း ပိုင်ဖြိုးသုက "တစ်နေ့သောအခါ ဒေါ်သုတစ်ယောက် Apollo-13 ရုပ်ရှင်ကားကြီးကြည့်ပြီးသွားစဉ် ထုံးစံအတိုင်းဘေးမှာ i pad ရယ် ဖုန်းရယ် laptopရယ်ကြားအလုပ်ရှုပ်နေတဲ့ ဦးရေခဲဘက်သို့လှည့်၍ "Boo Bear သိလား? သုသုကလေ အခု Apollo13ရယ် Martianရယ် Gravityရယ်ကြည့်ပြီးစဉ်းစားမိတာကလေ သုသုကိုလေ NASAကလူတွေက spaceထဲကိုအလကားလိုက်ပို့ပေးမယ် ပိုက်ဆံမယူဘူးဆိုရင်တောင်မသွားဘူး သိလား? Boo Bear ကိုပြန်မတွေ့ရတော့မှာကြောက်လို့ Boo Bear ကိုပါခေါ်လို့ရမှသွားမှာ...Boo Bear ဆိုရင်ရောသုသုမပါဘဲတစ်ယောက်တည်းသွားမှာလားဟင်?" ဟုအင်မတန်မှချိုအီပစ်လဲနေသောအသံနှင့် မျက်တောင်လေးများတစ်ဖျတ်ဖျတ်ခတ်၍ မျှော်လင့်ချက်များပြည့်နှက်နေသော ပြူးကျယ်ဝိုင်းစက်သည့်မျက်လုံးအစုံကိုဝင့်ကြည့်ပြီးမေးခွန်းထုတ်လိုက်စဉ်...ဦးရေခဲကlaptop screen မှမျက်နှာတစ်ချက်ပင်မခွာဘဲပြတ်သားစွာဤသို့ဖြေချလိုက်ပေသည် "ဟမ်...Spaceလား? ကျွန်တော်ကတော့သွားမှာ...ကျွန်တော်Spaceထဲကိုရောက်ဖူးချင်တယ်".......

"ဦးရေခဲရဲ့အဖြေအဆုံးတွင် ဒေါ်သု၏နဂိုပြူးနေသောမျက်လုံးမှာ ထက်ဝက်ခန့်မှေးစင်းသွားပြီး မျက်စောင်းကိုဒိုင်းခနဲထိုး"ဟွန့်" ဟူသောမြည်တမ်းသံကိုပြု မရှိရှိတဲ့ဆံပင်တိုတိုလေးကို ဝဲကနဲဖြစ်အောင်လည်ပင်းအကြောညပ်မတတ်ခါပစ်လိုက်၍ ဦးရေခဲကိုကျောခိုင်းပစ်ကာ စိတ်ကောက်ခြင်းခရီးရှည်ကိုစတင်လိုက်ပေ၏....(စိတ်ကောက်ခြင်းကိုခရီးရှည်ဟုတင်စားရခြင်းမှာတကယ်လည်း စစိတ်ကောက်သည့်အချိန်မှစ၍ ၂၄နာရီအတွင်းမိမိစိတ်ကောက်နေကြောင်းကို ထိုလူကြီးရိပ်မိခြင်းအလျင်းမရှိမည်ဖြစ်ကြောင်းကို မိမိကြိုတင်သိနေခြင်းကြောင့်ဖြစ်ပေတော့သည်) ဦး‌ရေခဲ Roကြည့်လို့မရသောသူကြီး ကောက်တယ်" ဆိုပြီး သူတို့ရဲ့အကြောင်းကို ပြောပြထားတာပဲ ဖြစ်ပါတယ်။

Source & Photo Credit-Paing Phyoe Thu's FB Acc