မနေ့က ဒီဇင်ဘာလ 15 ရက်နေ့ အင်္ဂါနေ့က twitter killer လို့လူသိများတဲ့ လူသတ်သမားကို ဂျပန်နိုင်ငံ တိုကျိုခရိုင်တရားရုံးက သေဒဏ်ချမှတ်ခဲ့တယ်လို့သိရပါတယ်။ဒီလူသတ်သမားရဲ့နာမည်ကတော့ Takahiro Shiraishi ဖြစ်ပြီး သူဟာ လူသတ်မှု ၊ မုဒိမ်းမှု ၊ အလောင်းဖျောက်မှုတွေနဲ့ စွဲချက်တင်ခံထားရသူတစ်ယောက်ပဲဖြစ်ပါတယ်။ဒီအမျိုးသားဟာ 2017 ခုနှစ်က အွန်လိုင်းက သိကျွမ်းတဲ့ လူ 9 ဦးကို လူသတ် အလောင်းဖျောက်မှုတွေနဲ့ ဖမ်းဆီးခံထားရတာပါ ။
၎င်းအမျိုးသားဟာ အသက် 15 နှစ်ကနေ 26 နှစ်ကြားအရွယ်ရှိတဲ့ အမျိုးသမီး 8 ဦးနဲ့ အမျိုးသားတစ်ဦးကို ရက်ရက်စက်စက်သတ်ပစ်ခဲ့တာဖြစ်သလို အလောင်းတွေကိုလည်း အပိုင်းပိုင်းခုတ်ဖြတ်ခဲ့သူပါ။Shiraishi ကိုတော့ 2017 ခုနှစ် သြဂုတ်လထဲမှာ ဖမ်းမိခဲ့တာဖြစ်ပြီး သူသတ်ခဲ့တဲ့သူတွေကို လိင်စိတ်ဖြည့်ဆည်းဖို့အတွက် သတ်ဖြတ်ခဲ့တာဖြစ်တယ်လို့လည်း ဝန်ခံထားပါတယ်။
သူ့ကိုဖမ်းမိစဉ်က အိမ်ကို စစ်ဆေးကြည့်တဲ့အခါမှာလည်း အအေးသေတ္တာ 3 လုံးနဲ့ ကွန်တိန်နာ 5 လုံးထဲမှာ သူသတ်ထားတဲ့လူတွေရဲ့ ခေါင်းတွေ၊ ခြေလက်အင်္ဂါတွေနဲ့ အသားတွေဖယ်ထားတဲ့ အရိုးတွေကို တွေ့ရှိခဲ့တယ်လို့ သိရပါတယ်။၎င်းအမျိုးသားဟာ အခုသေဒဏ်ကျခံရတဲ့အပေါ်မှာလည်း အယူခံဝင်ဖို့ ဆန္ဒမရှိသလို ဂျပန်တရားရေးရာဝန်ကြီးက ကွက်မျက်မှုအမိန့်မှာ လက်မှတ်ထိုးပီးသွားတာနဲ့ ပြစ်ဒဏ်စီရင်ခံရမှာဖြစ်တယ်လို့ သိရပါတယ်။
သတင်း အရင်းအမြစ်៖ NextShark